फेसबुकले ल्याउँदैछ ‘मेटा वाच’, डिजाइनमा देखियो क्यामेरा पनि
कात्तिक १२, २०७८ ८:२१
काठमाडौं । फेसबुकले ल्याउन लागेको मेटा वाचमा क्यामेरा पनि रहने भएको छ । लिक भएको मेटा वाचको फोटोमा वाचमा क्यामेरा रहेको देखिन्छ ।
फेसबुकले आफ्नो रे–व्यान स्टोरिज स्मार्ट ग्लासेसको लागि तयार पारेको एपमार्फत मेटा वाचको फोटो लिक भएको हो । लिक भएको फोटो हेर्दा मेटा वाचको डिजाइन एप्पल वाचको जस्तै देखिन्छ ।
फेसबुकले यही क्यामेरालाई बजार पठाउँछ वा यसको डिजाइन र फिचरमा परिवर्तन गर्छ हालसम्म खुलाएको छैन ।
फेसबुकले आफ्नो कर्पोरेट नाम पनि परिवर्तन गरेर मेटा राखेको छ ।
पछिल्लो अध्यावधिक: असोज २, २०७९ २२:३१
