डिसलाइक हटाउने युट्युबको घोषणाप्रति सहसंस्थापकको असन्तुष्टि

YouTube co-founder predicts ‘decline’ of the platform following removal of dislikes

काठमाडौं । केही साता अघि युट्युवले ‘डिसलाइक’ बटन हटाउने निर्णय सार्वजनिक गरेको थियो । प्रयोगकर्ताको ‘युजर इन्टरफेस’ मा भ्युअर र कन्टेन्ट क्रियटरको सौहार्द अन्तरक्रिया स्थापित गर्नका लागि डिसलाइक गणना गर्न बन्द गर्न लागिएको कम्पनीको भनाई छ ।

भिडिओको लाइक अथवा डिसलाइकका आधारमा कन्टेन्टको गहनताबारे थाहा पाउन नसकिने भन्दै धेरैले कम्पनीको यस किसिमको निर्णयको आलोचना गरेका छन् । यसैबीच युट्युबका सहसंस्थापक जावेद करिमले डिसलाइक गणना हटाउने युट्युबको निर्णयको खण्डन गरेका छन् ।

उनले ‘मि एट द जू’ टाइटलमा युट्युबकै पहिलो भिडिओ राखेका थिए । उक्त भिडिओको डिस्क्रिप्सन परिमार्जन गर्दै उनले युट्युबको निर्णय तर्कसङ्गत नभएको दाबी गरेका छन् । जसमा धेरैले कमेन्ट मार्फत उनको समर्थन पनि गरेका छन् ।

उनले भनेका छन्- ‘म्याट कोभलको घोषणा हेर्दा केही कुराको अन्त्य भइरहेको जस्तो लाग्यो । बोलिएका शब्दहरूले आँखासँग मेल खाँदैनन् । यो भिडिओले मलाई अड्माइरल जेरेमिआ: ले १९६६ मा दिएको अन्तरवार्ताको सम्झना दिलायो ।

मैले यस्तो अनावश्यक घोषणा पहिले कहिल्यै देखेको छैन । उनका अनुसार युट्युबले विश्वव्यापी रुपमा डिसलाइक हटाउन चाहनुको कारण उपयुक्त छैन । बरु यसको साटो युट्युबरहरूमा आधारित अन्य उपयोगी अनुसन्धान गर्नु उचित हुने उनको सुझाव छ ।

‘खराब कन्टेन्ट पहिचान गर्नु कुनैपनि प्लेर्टफमको विशेषता हो । र यस्ता कन्टेन्ट क्रियटरको पर्दाफास गर्नु आवश्यक हुन्छ । के युट्युब जस्तोसुकै कन्टेन्टलाई पनि एकै किसिमको मान्यता दिने किसिमको प्लेटफर्म बन्न चाहन्छ ? यसरी व्यापार विस्तार गर्न मनलाग्दी काम गर्नु बकबासपूर्ण हो ।’

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team