उपत्यकाका सबै जिल्ला प्रशासन कार्यालयबाट ई-पासपोर्ट वितरण गर्ने तयारी

काठमाडौं । सरकारले दुई हप्ताभित्र काठमाडौं उपत्यकाका तीन वटै जिल्ला प्रशासन कार्यलयबाट ई पासपोर्ट वितरण गर्ने भएको छ । हाल राहदानी विभाग (त्रिपुरेश्वर) बाट मात्र ईपासपोर्ट वितरण भइरहेको छ ।

योसँगै विभागले आवेदन संख्यासमेत बढाउने भएको छ । हाल राहदानी विभागमा प्रि-इनराेलमेन्टका लागि दुई सय जनाले मात्रै आवेदन दिन पाउने गरी कोटा प्रणाली लागू गरिएको छ ।

सुरुका दिनमा बढी लोड भएर स्लो भएको सिस्टम अहिले समाधान भइसकेको विभागका प्रवक्ता शरदराज आरनले बताए । योसँगै क्रमिक रुपमा निवेदकको संख्या बढाइने उनले जानकारी दिए ।

उपत्यकाको हकमा लाइभ इनराेलमेन्ट गरी सकेपछि करिब सात दिनभित्रै सम्बन्धित जिल्ला प्रशासन कार्यालयमा पठाउने तयारी भइरहेकाे विभागले जनाएकाे छ ।

त्यस्तै अन्य जिल्ला प्रशासन कार्यालय तथा विदेशस्थित नियोगहरुको हकमा हाल लाग्ने गरेको समयभन्दा विद्युतीय राहदानीको हकमा करिब ६० देखि ७० प्रतिशत कम समय लाग्ने अनुमान गरिएको छ ।

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team