एपको समस्याले सयौँ ड्राइभर टेस्ला कारमा बस्न नपाएपछि एलन मस्कले मागे माफी
मंसिर ७, २०७८ १५:१
काठमाडौं । केही दिनअगाडि टेस्लाको मोबाइल एप बन्द हुँदा प्रयोगकर्ताहरूले आफ्नो गाडी प्रयोग गर्न पाएनन् । सोही घटनालाई सम्बोधन गर्दै कम्पनीका प्रमुख एलन मस्कले माफी मागेका छन् ।
सफ्टवेयर अपडेट गर्ने क्रममा सर्भर डाउन भएपछि विश्वभर नै टेस्लाको मोबाइल एप प्रभावित भएको थियो । जसले गर्दा बेलायत, अमेरिका, कोरिया लगायतका प्रयोगकर्ताहरूले आफ्नो गाडी प्रयोग गर्न पाएका थिएनन् ।
हुन त किकार्डको प्रयोग गरेर समेत टेस्लाको गाडी चलाउन सकिन्छ । तर साथमा किकार्ड नभएका अथवा किकार्ड प्रयोग नै नगर्ने प्रयोगकर्ताहरू यो समस्याबाट बढी प्रभावित भएका हुन् । यो समस्या हाल समाधान भइसकेको छ ।
यही विषयलाई लिएर मस्कले ट्वीटरमा माफी माग्दै आउने दिनमा यो समस्या नहुने कुराको प्रत्याभूत गराएका छन् । कोरियाका एक सवारीधनीलाई एलन मस्कले ट्वीटरमा मेन्सन नै गरेर यस विषयमा व्यक्तिगत तवरमा प्रतिक्रिया दिएका थिए ।
पछिल्लो अध्यावधिक: असोज २, २०७९ २२:३२
