ट्रेन्डिङ:
ट्रुकलरको नयाँ भर्सन सार्वजनिक, अब फोन आएको बहाना गर्न सजिलो हुने एनसेलको होम एन्ड अवे डेटा अफर, ५९९ रुपैयाँमै ६० जीबी डेटा इन्स्टाग्राममा सेन्डरले थाहा नपाउने गरी यसरी पढ्नुहोस् म्यासेज उच्छृङ्खल बन्दै गएपछि युट्युबरलाई नियन्त्रण गर्ने प्रयासमा प्रेस काउन्सिल २० रूपैयाँमा हिमाल घुम्ने अवसर आईफोनका कुन कुन मोडेलमा चल्छ, टेलिकमको भीओएलटीई ? यस्तो छ गुगल प्ले स्टोरबाट ई-सेवा एप हट्नुको कारण बिक्री सुरु भएको एक मिनेटमै एक लाखले किने रेड्मीको ‘के थर्टी अल्ट्रा’ के तपाईंलाई थाहा छ, ३१ वर्षअघि आजकै दिन सार्वजनिक विश्वकै पहिलो सर्च इन्जिन कुन थियो ? नास्टले तयार पार्‍यो आईसीटी बस, के के होलान् सुविधा ?
close

ट्रुकलरको नयाँ भर्सन सार्वजनिक, अब फोन आएको बहाना गर्न सजिलो हुने

टेकपाना टेकपाना

मंसिर १०, २०७८

ट्रुकलरको नयाँ भर्सन सार्वजनिक, अब फोन आएको बहाना गर्न सजिलो हुने

काठमाडौं । कलर आईडी एप ट्रुकलरले आफ्नो नयाँ भर्सन आउँदो साताबाट प्रयोगकर्तामाझ उपलब्ध गराउने भएको छ । नयाँ भर्सन १२ सँगै ट्रुकलरले प्रयोगकर्तामाझ विभिन्न आकर्षक फिचर उपलब्ध गराउने उल्लेख छ ।

जसमा सबैभन्दा महत्त्वपूर्ण कुरा ट्रुकलरको डिजाइनमा उल्लेख्य परिवर्तन देख्न पाइन्छ । यसअघि झन्झटिलो रहेको कल तथा एसएमएस ट्याबलाई छुट्याएर अलग राखिएको छ । जसमा एसएमएस सेक्सनमा तपाईंले ग्रुप तथा पर्सनल रुपमा गर्ने कुराकानीहरू रहनेछन् ।

यसअघि उपलब्ध कल अलर्ट, कल रिजन, फुल स्क्रिन कलर आईडी, इनबक्स क्लिनर लगायतका फिचर भने कायमै छन् । अर्को नयाँ फिचरको रुपमा भिडिओ कलर आईडी थप गरिएको छ । यसको अर्थ अब तपाईंले कुनै साथी तथा आफन्तको नम्बरमा कल गर्दा ब्याकग्राउन्डमा सम्बन्धित व्यक्तिको भिडिओ राख्न सक्नुहुनेछ ।

New Truecaller 12 features

यसअघि सम्म ट्रुकलरले फोटो कलर आईडी मात्रै उपलब्ध गराउँदै आएको थियो । त्यसरी राखिने भिडिओ तपाईंले तत्कालै खिचेर, मोबाइलमा भएको भिडिओ काटेर अथवा ट्रुकलरले उपलब्ध गराएको टेम्प्लेटमार्फत बनाएर पनि राख्न सक्नुहुनेछ ।

अर्को महत्त्वपूर्ण कुरा भनेको कल रेकर्डिङ हो । यसअघि यो फिचर कम्पनीले प्रिमियम भर्सनमा मात्रै उपलब्ध गराएको थियो । तर, अब भने यो फिर सबै प्रयोगकर्तालाई उपलब्ध हुने जनाइएको छ । यदि तपाईं कुनै कार्यक्रममा बस्न चाहनुहुन्न र तपाईंलाई कसैको फोन आएको बहाना पार्नु छ भने ट्रुकलरले नयाँ भर्सनमा उक्त सुविधा पनि उपलब्ध गराएको छ ।

कम्पनीले नयाँ भर्सनमा ‘घोस्ट कल’ नामक फिचर उपलब्ध छ । उक्त फिचर मार्फत आफ्नै फोनमा फेक कल गर्न सकिने जनाइएको छ । त्यसमा तपाईंले कुनै व्यक्तिको फोन नम्बर, नाम तथा उसको फोटा राखेर सेट गर्न सक्नु हुनेछ । यसो गर्दा तपाईंले सेट गरेको नम्बरबाट तपाईंको मोबाइलमा फेक कल आउने छ ।

यसका साथै ट्रुकलरले फोन आउँदा कसले फोन गरेको हो भनेर आवाजमा समेत बताउने छ । यो फिचरका लागि भने तपाईंले त्यसलाई इनेबल गर्नुपर्ने हुन्छ । यो फिचर तपाईंको मोबाइलमा सेभ भएका नम्बर र ट्रुकलरले पहिचान गरेका दुवै नम्बरमा काम गर्न सक्ने जनाइएको छ ।

उल्लेखित फिचर सहितको नयाँ भर्सन कम्पनीले आउँदा साता भारतीय बजारमा उपलब्ध गराउनेछ । त्यसपछि, क्रमशः देशका प्रयोगकर्तामाझ समेत उपलब्ध हुने जनाइएको छ ।