साइबर आक्रमणको निसानामा परेका प्रयोगकर्तालाई आईफोनको आकस्मिक ‘अलर्ट’

mobile in lease

 

काठमाडौं । एप्पलले हालै राज्य संरक्षित साइबर आक्रमणको कानुनी लडाइ सुरु गरेपछि आफ्ना आईफोन प्रयोगकर्ताहरूलाई चेतावनी म्यासेज दिन थालेको छ । केही समय अगाडि मात्र एप्पलले पेगासस जस्तो जासुसी स्पाइवेयर बनाउने इजरायली कम्पनी एनएसओ ग्रुप विरुद्ध मुद्दा दायर गरेको थियो । उक्त सफ्टवेयरमार्फत डिभाइसलाई ह्याक गरेर ह्याकरले त्यहाँबाट फोटो, म्यासेज, ईमेल लगायतका जानकारीहरू प्राप्त गर्न सक्छन् । यसका साथै गोप्य रुपमा लक्षित व्यक्तिको डिभाइसमा माइक्रोफोन वा क्यामेरा एक्टिभेट समेत गरिदिन सक्छन् ।

यसैबीच एप्पलले आफ्ना प्रयोगकर्ताहरूलाई यस्तो प्रकारको आक्रमणबारे जानकारी दिनको लागि ‘एप्पल थ्रेट नोटिफिकेसन’ फिचर सञ्चालनमा ल्याएको छ । जसले यसरी हुने आक्रमणबारे लक्षित व्यक्तिलाई सचेत गराउनेछ ।

यो फिचर उपलब्ध भएसँगै एप्पलले अभियन्ता र अनुसन्धानकर्ता गरी छ जनालाई थाइल्यान्ड सरकारले लक्षित गरेको भन्दै अलर्ट म्यासेज पठाएको अन्तर्राष्ट्रिय सञ्चार माध्यमहरूले उल्लेख गरेका छन् । यस्तो म्यासेज पाउनेहरूमा ब्याङककका थम्मसत विश्वविद्यालयका राजनीतिक वैज्ञानिक प्राजक कोङकिराती, अनुसन्धानकर्ता सरिन अचाननुतकुल, अभियन्ता यिङचिप अट्चानोन्त लगायत घाना र अन्य देशका केही नागरिकहरू रहेका छन् ।         

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team