वर्षमा तीन लाख विद्युतीय गाडी उत्पादन गर्ने साओमीको लक्ष्य
मंसिर १३, २०७८ १९:४७
काठमाडौं । गत मार्चमा साओमीले विद्युतीय गाडीको उद्योग खोल्ने घोषणा गरेको थियो ।
रोयटर्समा प्रकाशित समाचार अनुसार साओमीले यो उद्योग बेइजिङमा खोल्दैछ र हरेक वर्ष तीन लाख विद्युतीय गाडी उत्पादन गर्ने लक्ष्य राखेकाे छ ।
साओमीले यो उद्योग दुई चरणमा निर्माण गर्ने तयारी गरेकाे छ । सन् २०२४ देखि कम्पनीले गाडी उत्पादन गर्न सुरु गर्नेछ ।
साओमीले तीन लाख विद्युतीय सवारी उत्पादन गर्ने लक्ष्यका साथ उद्योग स्थापनाको तयारी थाले पनि यसको डिजाइन, बजार र मोडेल लगायत विषयमा कुनै जानकारी सार्वजनिक गरेको छैन ।
विद्युतीय गाडी उत्पादन गर्ने आफ्नो परियोजनामा कम्पनीले १० अर्ब डलर खर्च गर्ने अनुमान छ ।
पछिल्ला वर्ष विश्वका ठूला प्रविधि कम्पनीहरुले विद्युतीय सवारी उत्पादनमा चासो देखाइरहेका छन् ।
पछिल्लो अध्यावधिक: असोज २, २०७९ २२:३२
