टेस्ला उत्पादनमा हतार नगरी खर्च घटाउन कर्मचारीलाई मस्कको निर्देशन

Elon-musk-techpana

काठमाडौं । टेस्लाका प्रमुख कार्यकारी अधिकृत (सीईओ) एलन मस्कले आफ्ना कर्मचारीलाई कार उत्पादनमा हतार नगर्न र खर्च घटाउनका लागि ध्यान दिन निर्देशन दिएका छन् ।

उपभोक्तालाई दिनुपर्ने कार उत्पादनका लागि कर्मचारीलाई बढी भुक्तानी गर्दा र काम ठेकेदारलाई जिम्मा दिँदा लागत बढेको भन्दै मस्कले आफू मातहतका कर्मचारीलाई यस्तो निर्देशन दिएका हुन् ।

टेस्ला कार अर्डर गरेका ग्राहकलाई यो वर्षको अन्त्यसम्म कार डेलिभरी दिन धेरै कामदारले ओभरटाइम काम गरिरहेका छन् भने कम्पनीले नभ्याउने काम बाहिरी कम्पनीलाई ठेक्का दिइएको छ ।

मस्कले आफ्ना कर्मचारीलाई पठाएको आन्तरिक मेमो सार्वजनिक गर्दै सीएनबीसीले समाचार प्रकाशित गरेको छ । टेस्लाले सन् २०२१ को तेस्रो त्रैमासिकमा मात्रै दुई लाख ४१ हजार वटा टेस्ला कार बिक्री गरेको छ ।

विश्वभर चिप अभावका कारण कार निर्माताहरुले आफ्नो उत्पादनमा ढिलाइ गरिरहँदा पनि टेस्लाले बिक्री र नाफा दुवै बढाएको छ । 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team