ट्रेन्डिङ:
ह्वावे र एप्पललाई पछि पार्दै विश्वको दोस्रो स्मार्टफोन ब्राण्ड बन्ने दाउमा साओमी डिजिटल बैंकिङमा अग्रसर एनएमबि बैंकलाई अन्तर्राष्ट्रिय अवार्ड यसरी गर्नुहोस् आफ्ना महत्वपूर्ण ईमेलको ब्याकअप दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका यसरी सजिलै बुझ्नुहोस् ‘ब्राउजर एक्सटेन्सन’ र यसको काम कनेक्ट आईपीएसबाटै अब ट्राफिक जरिवाना तिर्न सकिने, यस्तो छ तरिका यस्तो हुनेछ ओप्पोको नयाँ फ्ल्यागशिप फोन ‘फाइन्ड एक्स५ प्रो’ दूरसञ्चार प्राधिकरणले कोरोना महामारीमा आखिर के गर्‍यो ? दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका फेसबुकमा तपाईंको फ्रेन्ड रिक्वेस्ट कसले एक्सेप्ट गरेन ? यस्ताे छ थाहा पाउने सजिलाे तरिका
close

डिजिटल बैंकिङमा अग्रसर एनएमबि बैंकलाई अन्तर्राष्ट्रिय अवार्ड

टेकपाना टेकपाना

मंसिर १७, २०७८

डिजिटल बैंकिङमा अग्रसर एनएमबि बैंकलाई अन्तर्राष्ट्रिय अवार्ड

काठमाडौं । एनएमबि बैंकले विश्व प्रतिष्ठित अवार्ड प्राप्त गरेको छ । बेलायतको लण्डनबाट प्रकाशित हुने प्रसिद्ध म्यागजिन दी बैंकरको निर्णायक मण्डलले ‘बैंक अफ दी इयर एसिया २०२१’ अवार्डका लागि एनएमबिलाई छनोट गरेको हो ।

नेपालको बैंकिङ इतिहासमै पहिलो पटक एनएमबिले यो सम्मान पाएको छ । चीन, भारत, हङकङ, दक्षिण कोरिया, जापान जस्ता एसियाका प्रतिस्पर्धी बैंकलाई पछि पार्दै एनएमबि एसियाकै उत्कृष्ट बैंक बन्न सफल भएको हो ।

सन् २००० मा स्थापित ‘बैंक अफ दी इयर अवार्ड’ प्रत्येक देशको सर्वोत्कृष्ट बैंक तथा पश्चिमी युरोप, मध्य-पूर्वी युरोप, एसिया, अमेरिका, मध्य-पूर्व र अफ्रिका गरी ६ वटा महादेशभरकै सर्वोत्कृष्ट बैंकहरुलाई छुट्टा-छुट्टै प्रदान गरिन्छ ।

बैंकको वृद्धि र कार्यसम्पादनको शैली, बैंकका रणनीतिक पहल, डिजिटल प्रविधिको उपयोग गर्दै ल्याइएका नवीनतम सेवा र उत्पादन, दिगो विकासका लागि गरिएका गतिविधि र प्रतिकूल परिस्थितिको सामना गर्ने क्षमता जस्ता विभिन्न मापदण्डको आधारमा यो अवार्डकाे विजेता तय गरिन्छ ।

एनएमबि बैंकले डिजिटल रुपान्तरण र दिगो बैंकिङ प्रयासलाई प्राथमिकता दिँदै नेपाली बैंकिङ उद्योगमै पहिलोपल्ट स्थानीय ऋण–पत्र जारी गर्ने, विदेशी ऋण सम्झौता जारी गर्ने, बैंकिङ कारोबारका लागि ओम्नी च्यानलको प्रयोग गर्ने लगायतका कार्य सुरू गरेकाे छ ।

त्यस्तै भिडिओ कलमार्फत केवाईसी अपडेट गर्ने सुविधा ल्याउने र ‘एनएमबि सापटी’ मार्फत २४ घण्टाभित्रै कागजी झन्झट बिना सापटी कर्जा प्रवाह गर्ने जस्ता नवीनतम सेवा प्रदान गर्दै आइरहेको छ ।