ट्रेन्डिङ:
तपाईंमाथि कसले निगरानी गर्दैछ ? अब स्मार्टफाेनले नै दिनेछ सूचना चीनले बनायो विश्वको पहिलो डिजिटल मुद्रा अब फेसबुक र इन्स्टाग्रामको फोटो-भिडियो कसैले डाउनलोड गरे थाहा पाउन सकिने यस्ता छन् फोर्ब्सको सूचीमा पर्न सफल टप १० डिजिटल ब्राण्ड क्रिप्टोमा गरेको सबै लगानी डुब्नसक्ने नासाका यी अद्भूत आविष्कार, जुन तपाईँले दैनिक प्रयोग गरिरहनु भएको छ आईफोन वा आईप्याड प्रयोग गर्नुहुन्छ ? तत्काल चेक गर्नुहोस्, सेक्युरिटीका यी सेटिङ युट्युबमा अपलोड गरिएको कुनै पनि भिडिओ अब ‘शर्ट्स’ मा राख्न मिल्ने साथीलाई वर्ल्डलिंकको इन्टरनेट रिफर गर्दा छुट पाइने एन्ड्रोइड १२ को बेटा भर्सन सार्वजनिक, यसरी गर्नुहोस् प्रयोग
close

तपाईंमाथि कसले निगरानी गर्दैछ ? अब स्मार्टफाेनले नै दिनेछ सूचना

टेकपाना टेकपाना

मंसिर १९, २०७८

तपाईंमाथि कसले निगरानी गर्दैछ ? अब स्मार्टफाेनले नै दिनेछ सूचना

काठमाडौं । गुगलले हालै सार्वजनिक गरेको अपरेटिङ सिस्टम एन्ड्रोइड १२ मा थुप्रै फिचर थप गरिएका छन् । ओएसको नयाँ अपडेटमा लक्ड फोल्डर, क्विक डिलिट फिचर, प्राइभेसी ड्यासबोर्ड लगायतका नयाँ फिचर थप गरिएका छन् ।

यसमध्ये, कसैले तपाईंको क्यामेरा वा माइक्रोफोनको पहुँचमा छ कि छैन भनेर पत्ता लगाउने फिचर पनि रहेको छ ।

यदि कसैले तपाईंको फोनमा अनैतिक हिसाबले पहुँच पाएको छ र तपाईंको फोनको स्क्रिनको सबैभन्दा माथि दाहिनेतिर एउटा आइकन देखिनेछ, जसमा क्यामेरा वा माइक्रोफोनको संकेत हुन्छ ।

यदि कसैले तपाईंको क्यामेरामा पहुँच पाएको छ भने तपाईंको स्क्रिनमा क्यामेराको आइकन देखापर्छ । यसको अर्थ हो कुनै ह्याकर वा कुनै मालिसियस एपले तपाईंको क्यामेरा र माइक्रोफोनमा पहुँच पाए/नपाएको तपाईंले सहजै थाहा पाउन सक्नुहुन्छ ।

त्यस्तैगरी एन्ड्रोइड १२ ले अब तपाईंले प्रयोग गरिरहनु भएको कुन एपले संवेदनशील सूचनामा पहुँच पाइरहेको छ भनेर पनि थाहा पाउनसक्छ ।

क्यामेरा, माइक्रोफोनसहित तपाईंको लोकेसन, क्यालेन्डर, कल लग, फाइल लगायत अन्य डेटामा कुन एपको पहुँच छ भनेर यो नयाँ ओएसले पत्ता लाउनेछ ।

यसका लागि प्रयोगकर्ताले प्राइभेसी ड्यासबोर्डलाई एक्टिभ गर्नुपर्ने हुन्छ । सेटिङमा गएर प्राइभेसी अप्सनमा गएर त्यहाँ उपलब्ध ‘प्राइभेसी ड्यासबोर्ड’ मा क्लिक गरेर कुन एपले तपाईंको कुन डेटामा पहुँच पाइरहेको छ भनेर थाहा पाउन सकिन्छ ।