काठमाडौं । नेपाली बजारमा स्मार्टफोनको बजार फस्टाउँदै गएको छ । कोरोना महामारी सुरू भएपछि स्मार्टफोनको माग अझ बढ्दो छ । भर्चुअल गतिविधि बढ्दा मोबाइलको आयातमा समेत नयाँ रेकर्ड बनिरहेको छ ।
स्मार्टफोनको माग बढिरहँदा विभिन्न ब्राण्डबीच चर्को प्रतिस्पर्धा देखिएको छ । थरीथरीका फोन बजारमा आइरहँदा चिनियाँ ब्राण्ड ओप्पोले पनि निरन्तर आफ्नो व्यवसाय बढाइरहेको छ ।
हाल नेपाली बजारमा याे ब्राण्डका करिब १५ हजार रूपैयाँदेखि ४७ हजार रूपैयाँसम्मका फोन छन् ।
नेपाली बजारमा ओप्पोका ‘ए’, ‘एफ’ र ‘रेनो’ सिरिजका स्मार्टफोन उपलब्ध छन् । यसैबीच हामीले बजारमा उपलब्ध ओप्पो फोनको पछिल्लो मूल्य सूची प्रस्तुत गरेका छाैं ।