टेकपाना
मंसिर २२, २०७८ १९:३६
काठमाडौं । अर्थमन्त्री जनार्दन शर्माले विद्युतीय सवारीसाधन प्रवर्द्धनका लागि हरेक पेट्रोल पम्पमा चार्जिङ स्टेशन राख्न सकिने बताएका छन् ।
बुधबार आयोजित नाडा अटोमोबाइल्स असोसिएसनको वार्षिक साधारण सभालाई सम्बोधन गर्दै उनले यस्तो भनाइ राखेका हुन् ।
विद्युतीय गाडीको माग र देशमा विद्यमान चार्जिङ स्टेशनको समस्या समाधान गर्न सरकार सकारात्मक रहेको उनको भनाइ छ ।
यो समस्यालाई सम्बोधन गर्न प्रत्येक पेट्रोल पम्पमा चार्जिङ स्टेशन राख्ने व्यवस्था मिलाउन सकिने उनले बताए ।
विद्युत देशको मुख्य शक्ति भएका कारण देशमै भएको शक्ति प्रयोग गरी समृद्धि ल्याउन सकिने कुरामा मन्त्री शर्माले जोड दिएका थिए ।
पछिल्लो अध्यावधिक: असोज २, २०७९ २२:३२