एटीएम बुथ तोडफोड गर्ने युवा समातिए
पुस २८, २०७७ १३:३३
काठमाडौं । एनआईसी एसिया बैंकको एटिएम बुथ तोडफोड गरेको अभियोगमा एक जना पक्राउ परेका छन् ।
सुनसरीस्थित धरान उपमहानगरपालिका-१२ स्थित एनआईसी एसिया बैंकको एटिएम बुथ तोडफोड गर्ने प्रयास गरेको अभियोगमा कोशी गाउँपालिका-३ बस्ने २३ वर्षीय सुभान मनसुरीलाई सोमवार साँझ प्रहरीले पक्राउ गरेको हो ।
एटीएम बुथ तोडफोड गर्ने प्रयास गरेको भन्ने सो बैंकबाट प्राप्त हुन आएको जानकारी अनुसार सीसीटिभी फुटेज संकलन गरी उक्त व्यक्तिको खोजी गर्ने क्रममा सो कार्यमा संलग्न सुभानलाई धरान उपमहानगरपालिका-१८ घोपाबाट प्रहरीले पक्राउ गरेको प्रहरीले जनाएकाे छ ।
यस सम्बन्धमा प्रहरीले थप अनुसन्धान गरिरहेको बताएको छ ।
पछिल्लो अध्यावधिक: असोज २, २०७९ २२:३१
