च्याट गर्दै टेलिकमको सेवा बुझ्न र गुनासो सुनाउन सकिने, यस्तो छ तरिका

Nt-chatbot-nepal-telecom-techpana

काठमाडौं । नेपाल टेलिकमका विभिन्न सेवा तथा सेवा प्रदान गर्ने विधिको बारेमा सहज रुपमा जानकारी दिन ‘एनटी च्याटबट’ सञ्चालनमा ल्याएको छ । यसमार्फत सेवाग्राहीले टेलिकमको वेबसाइटबाटै च्याटमार्फत स्वचालित रुपमा जानकारी प्राप्त गर्न सक्नेछन् ।

त्यसका लागि सुरुमा टेलिकमको वेबसाइट खोल्नुहोस् । वेबसाइट खुलेसँगै त्यहाँ एनटी च्याटबोटको सानो स्क्रिन स्वचालित रुपमा देखापर्दछ । त्यहाँ ‘निड हेल्प ? वेलकम टु एनटी च्याटबट’ भनेर लेखिएको छ ।

त्यसमा गएर कम्पनीका विभिन्न सेवाहरुको बारेमा जानकारी लिनका लागि उपलब्ध विकल्पको छनौट गर्न सकिने छ ।

सहजताको लागि त्यहाँ भाषा छनोटको विकल्प पनि दिइएको छ । तपाईंले नेपाली/अंग्रेजी कुनै एक भाषा छनौट गरी प्रश्न लेखेर जिज्ञासा राख्न सक्नुहुनेछ ।

कम्पनीका अनुसार उक्त च्याटबटमार्फत फोरजी, एफटीटीएच, जीएसएम प्रिपेड, जीएसएम पोस्टपेड, ल्याण्डलाइन, एनटी एप, अनलाइन रिचार्ज, अफर, प्याकेज आदिका बारेमा जानकारी प्राप्त गर्न सकिन्छ ।

यसैगरी विभिन्न सेवाहरुका बारेमा फिडब्याक दिन र सिकायत/गुनासो समेत गर्न सकिन्छ । सिकायत वा गुनासोको सम्बोधन च्याटबटमार्फत स्वचालित रुपमा हुन नसकेमा कम्पनीको सम्बन्धित विभाग/पदाधिकारीले अध्ययन गरी गुनासो व्यवस्थापन गर्ने जनाएको छ ।

एनटी च्याटबट सेवाले वेबसाइटमा राखिएका विवरणका आधारमा स्वचालित रुपमा जानकारी उपलब्ध गराउँछ । कम्पनीका सेवाग्राहीले कुनै सेवाका बारेमा थप जानकारी लिनुपरेमा एनटी च्याटबटबाहेक कम्पनीका सामाजिक सञ्जालहरु (फेसबुक, ट्वीटर, भाइबर, इन्स्टाग्राम) प्रयोग गर्न सकिने छ ।

यसका साथै ‘नेपाल टेलिकम एप’ बाट पनि सेवा तथा सुविधाका बारेमा विभिन्न जानकारी प्राप्त गर्न सकिने उल्लेख गरिएको छ ।

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team