ट्रेन्डिङ:
तपाईंलाई कति इन्टरनेट स्पिड चाहिन्छ ? नेपालमा घट्यो इन्टरनेट पहुँच, यस्तो छ कारण What Latin Region Has One of the most Lovely Women? High 12 South American Nations किसान र उपभोक्तालाई सिधै जोड्न ‘कृषि बजार’ एप फेसबुकमा तपाईंको फ्रेन्ड रिक्वेस्ट कसले एक्सेप्ट गरेन ? यस्ताे छ थाहा पाउने सजिलाे तरिका लुम्बिनी प्रदेश सूचना तथा सञ्चार प्रविधि प्रतिष्ठानको कार्यकारी निर्देशकमा भण्डारी अफगानिस्तानमा ह्वाट्सएपले बन्द गरिदियो ‘तालिबान हेल्पलाइन’ ७७ जिल्लाका ६५५ स्थानीय तहमा पुग्यो टेलिकमको फोरजी सेवा पोल भाडा विवादले बढ्यो इन्टरनेटको मूल्य, मध्यस्थतामा आउँदैन विद्युत प्राधिकरण सनराइज बैंकका ग्राहकले अब बैंक खाताबाटै डिजिटल भुक्तानी गर्न पाउने
close

तपाईंलाई कति इन्टरनेट स्पिड चाहिन्छ ?

टेकपाना टेकपाना

फागुन १२, २०७७

तपाईंलाई कति इन्टरनेट स्पिड चाहिन्छ ?

काठमाडौं । आफ्नो लागि उपयुक्त इन्टरनेट प्लान चयन गर्नु सजिलो कुरा होइन । कहिले तपाईं आवश्यकभन्दा धेरै इन्टरनेटको पैसा तिरिरहनु भएको हुन्छ भने कहिले आवश्यक स्पिड पनि पाइरहनु भएको हुँदैन । यसैले तपाईंलाई कति स्पिड चाहिन्छ भन्ने प्रश्न सधै महत्वपूर्ण हुन्छ । 

त्यसो त इन्टरनेट सेवाप्रदायकले सेवाग्राहीहरुलाई आवश्यक पर्ने इन्टरनेटको विभिन्न प्लान र प्याकेज वेबसाइटमा राखिरहेका हुन्छन् । तर त्यसले पनि एउटा औसत इन्टरनेट प्रयोगकर्ताको आवश्यकतालाई सही तरिकाले सम्बोधन गर्न सक्दैन ।

सामान्य फेसबुक चलाउने र आफन्त नातागोतासँग भिडियो कल गर्ने प्रयोगकर्ता र ‘हेभ्भी गेम’ खेल्ने, भिडियो स्ट्रिमिङ गर्ने प्रयोगकर्ताबीचको आवश्यकता फरक हुन्छ ।

आज हामी तपाईंलाई आवश्यक उपयुक्त इन्टरनेट प्याकेज चयन गर्न सिकाउने छौं । 

कति स्पिड चाहिन्छ ?

अमेरिकाको संघीय सञ्चार आयोग (एफसीसी) ले २५ एमबीपीएसभन्दा तीव्र गतिको इन्टरनेटलाई एड्भान्स सेवाको रुपमा परिभाषित गरेको छ । तर अधिकांशले यसलाई न्यूनतम स्पिडकै रुपमा लिन्छन् ।

यदि तपाईं दैनिक इन्टरनेट प्रयोग गर्नुहुन्छ भने इन्टरनेट स्पिड केही धेरै भएको नै राम्रो हुन्छ । घरमा बढ्दाे आईओटी सामग्री तथा ग्याजेटको संख्या अनि इन्टरनेट ब्राउजिङ र गेमिङमा बढ्दो युसेज देख्दा २५ एमबीपीएसभन्दा धेरै इन्टरनेट स्पिड नै उपयुक्त देखिन्छ । 

तर याद राख्नुहोस् । ठूलो इन्टरनेट प्याकेजले फास्ट इन्टरनेट स्पिडको प्रत्याभूति दिन सक्दैन । नेटवर्क कन्जेसन, राउटर राखेको गलत ठाउँ, नेटवर्कमा हुने अवरोध र अन्य धेरै तत्वहरुले यसलाई असर गर्दछ । 

तपाईं कति इन्टरनेट प्रयोग गर्नुहुन्छ ? 

तपाईं इन्टरनेट खास के प्रयोजनका लागि प्रयोग गर्नुहुन्छ ? तपाईंलाई चाहिने इन्टरनेटको गति यही कुराले निर्धारण गर्छ ।

ActivityUsage RequiredRecommended Speed
Email1 Mbps1 Mbps
Web browsing3-5 Mbps5-10 Mbps
Social media3-5 Mbps10 Mbps
Video Calls3-5 Mbps10-20 Mbps
HD Streaming5-10 Mbps10-20 Mbps
Online Gaming3–6 Mbps25-35 Mbps
4K Streaming25 Mbps35 Mbps

तपाईंको नेटवर्क कति जनाले प्रयोग गर्छन् ?

तपाईंको घरमा एउटै समयमा कति जनाले एउटै नेटवर्क प्रयोग गर्छन्, त्यसले पनि याे कुरालाई निर्धारण गर्दछ । घरको सदस्य संख्याले भने यसलाई निर्धारण गर्दैन । किनभने दुईजना सदस्य भए पनि घरमा डिभाइस भने दुईजनाले १५ वटा भन्दा धेरै प्रयोग गर्न सक्छन् ।

यदि तपाईंको घरमा सबै डिभाइस एकैपटक निरन्तर प्रयोग भइरहन्छन् भने आफ्नो इन्टरनेट स्पिड बढाउनुहोस् । यदि तपाईं आईपी टिभीमा फोरके भिडियो स्ट्रिमिङ गर्नुहुन्छ भने ३५ एमबीपीएस भन्दा धेरै इन्टरनेट तपाईंलाई आवश्यक पर्छ । 

अपलोड स्पिड भर्सेस डाउनलोड स्पिड

स्पिडको बारेमा कुरा गर्दा अपलोड र डाउनलोड स्पिडबीचको फरकलाई बुझ्न आवश्यक छ । अधिकांश समय अपलोडभन्दा डाउनलोड स्पिड धेरै हुन्छ । यसकारण दुवै कुरालाई थाहा पाउन आवश्यक हुन्छ । तर जब तपाईं केही कामका लागि घरमा इन्टरेट प्रयोग गर्दै हुनुहुन्छ भने अपलोड गर्ने काम तपाईंलाई धेरै आइपर्छ । 

अधिकांश आईएसपीहरुले अपलोड स्पिड थोरै र डाउनलोड स्पिड धेरै भएको प्लान अफर गर्छन् । यस्तो बेला अपलोड र डाउनलोड स्पिडको अुनपात १:१० पनि हुन सक्छ । यस्तो बेला आफूलाई आवश्यक दुवै स्पिड कस्तो प्याकेजमा उपलब्ध छ, विचार गर्नुहोस् । 

डेटा क्यापका बारेमा थाहा पाउनुहोस् 

आफ्नो लागि उपयुक्त इन्टरनेट स्पिड खोजी गर्दा तपाईंले ध्यान दिनुपर्ने अर्को कुरा भनेको डेटा क्याप हो । इन्टरनेट डेटा क्याप भनेको आईएसपीहरुले इनफोर्स गरेको डेटा युसेज लिमिट हो ।

कुनै पनि आईएसपीकाे सेवा लिनुअघि उक्त कम्पनीको डेटा क्यापबारे बुझ्नुहोस् । यदि तपाईं भारी भिडियो स्ट्रिमिङ गर्नुहुन्छ वा हाई इण्ड गेम खेल्नुहुन्छ भने त्यसले धेरै डेटा खपत गर्छ र डेटा क्यापलाई हिट गर्छ ।

यस्तो बेला तपाईंले अतिरिक्त पैसा तिर्नुपर्ने हुन्छ । कम क्षमताको प्याकेजमा कुनै आईएसपीले टाइट क्याप प्रदान गर्छ भने कुनैमा क्याप नै हुँदैन ।