काठमाडौं । नेपाल टेलिकमले हालै परीक्षणको रुपमा सञ्चालनमा ल्याएको फोरजी भीओएलटीई सेवा साओमीका थप स्मार्टफोनमा समेत चल्न थालेको छ । सार्वजनिक हुँदाको समयमा साओमीका केवल ५ स्मार्टफोनमा उपलब्ध यो सेवा अब कम्पनीका थप ८ फोनमा समेत चल्न थालेको हो ।
नेपाल टेलिकमका अनुसार साओमी रेड्मी नोट ९ प्राइम, साओमी मि १०, साओमी रेड्मी ९ सी, साओमी रेड्मी नोट नाइन प्रो र साओमी रेड्मी ८ एमा यस अघिदेखि नै भीओएलटीई सेवा उपलब्ध छ ।
अब भने साओमी रेड्मी नोट ९ रेड्मी नोट ७ प्रो रेड्मी १० प्रो रेड्मी ९ ए रेड्मी ८ रेड्मी ७ पोको एफ वान र मि नोट १० लाइटमा समेत यो सेवा चलाउन सकिने भएको छ ।
यससँगै अब टेलिकमको फोरजी भीओएलटीई सेवा चलाउन सकिने मोडेलको संख्या ४७ पुगेको छ । जसमा सामसङका ३१ वटा मोडेल, साओमीका १३ मोडेल र नोकियाका ३ वटा मोडेल रहेका छन् ।
टेलिकमका प्रयोगकर्ताले आफ्नो मोबाइलमा *444# डायल गरी अंक २ थिचेर यो सेवा एक्टिभ गराउन सक्छन् । त्यसपछि आफ्नो मोबाइलको सेटिङमा गएर भीओएलटीई अन गरेर *111# डायल गरी १०० मिनेट भीओएलटीई कल निःशुल्क पाउन सकिन्छ ।