काठमाडौं । नेपाली बजारमा मि ११ लाइट स्मार्टफोन भएको छ । साओमी नेपालले शुक्रबार मि ११ सिरिजको मिडरेञ्ज फोन सार्वजनिक गरेको हो । यो फोन नेपाली बजारमा ६ जीबी र्याम तथा १२८ जीबी स्टोरेज भेरियन्टमा आएको छ, जसको मूल्य ३४ हजार ९९९ रूपैयाँ तोकिएको छ ।
फोरजी भेरियन्टमा उपलब्ध यो फोनमा क्वालकम स्न्याड्रागन ७३२जी प्रोसेसर छ । त्यस्तै फोनमा ९० हर्जको रिफ्रेस रेटसहित ६.५५ इन्चको ओलेड डट डिस्प्ले छ । ट्रिपल क्यामेरा सेटअप रहेको फोनमा मेन क्यामेरा ६४ मेगापिक्सेल रहेको छ ।
यसमा रहेको एआई सिनेमा मोडका कारण आकर्षक फोटो र भिडियो लिन सकिन्छ । त्यस्तै फोनमा १६ मेगापिक्सेलको पन्च होल सेल्फी क्यामेरा रहेको छ । त्यस्तै ३३ वाट फास्ट चार्जिङसहित ४,५२० एमएएचको ब्याट्री उपलब्ध छ ।