आफ्नो पहिलो फाइभजी स्मार्टफोन ल्याउँदै नोकिया

Nokia mobile

काठमाडौं । पछिल्लो समय स्मार्टफोन निर्माता कम्पनीहरूबीच फाइभजी स्मार्टफोन सार्वजनिक गर्ने होड चलिरहेको छ । यसैबीच अब नोकिया फोनको निर्माता कम्पनी एचएमडी ग्लोबलले आफ्नो पहिलो स्मार्टफोन सार्वजनिक गर्ने भएको छ ।

उक्त फोन सबैभन्दा अगाडि आउँदो ११ नोभेम्बर अघि नै चिनियाँ बजारमा उपलब्ध हुनेछ । नेपाल लगायतका अन्य देशमा कहिले आउँछ भन्ने कुरा अहिलेसम्म निश्चित भइसकेको छैन । कम्पनीले नोकिया ९.३ को नामबाट आफ्नो पहिलो फाइभजी स्मार्टफोन सार्वजनिक गर्नसक्ने अनुमान गरिएको छ ।

त्यसो त कम्पनीले आफ्नो नयाँ स्मार्टफोन सार्वजनिक हुने विषयलाई लिएर कुनै आधिकारिक मिति घोषणा गरेको छैन । चीनको आईथोम वेबसाइटबाट नोकियाको आउँदो फाइभजी स्मार्टफोनको जानकारी बाहिर आएको हो ।  

आईथोमका अनुसार नोकिया एचएमडी ग्लोबलको चिनियाँ बजारका उत्पादन व्यवस्थापक झाङ युचेङले वाइबोमा अन्तरक्रिया गर्ने क्रममा यसको जानकारी चुहाएका थिए ।

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team