ट्रेन्डिङ:
चैतभित्र सीडीएमए बन्द गर्दै टेलिकम, प्रयोगकर्तालाई फोरजी फिचर फोन दिने योजना युट्युबमा फोरके भिडिओ हेर्न पैसा तिर्नुपर्ने ! अरूको भिडिओ प्रयोग गर्दा युट्युबले कसरी थाहा पाउँछ ? गुगल सर्चमा यस्ता कुरा नखोजेकै बेस अर्को साता १०८ मेगापिक्सेल क्यामेरा भएको स्मार्टफोन सार्वजनिक गर्दै साओमी छुट्टै सर्च इन्जिन सार्वजनिक गर्ने तयारीमा एप्पल, गूगललाई टक्कर दिने दाउ नेपाली बजारमा सामसङ ग्यालेक्सी जेट फोल्ड टूको बिक्री सुरु अब अमेरिका र बेलायतले एकअर्काको डेटा शेयर गर्न पाउने आफ्नो स्थानीय तहको मोबाइल एप डाउनलोड गर्नुभयो त ? क्रिप्टो प्रचार गरेको भन्दै सञ्चारकर्मी किमलाई करिब १६ करोड जरिवाना
close

चैतभित्र सीडीएमए बन्द गर्दै टेलिकम, प्रयोगकर्तालाई फोरजी फिचर फोन दिने योजना

टेकपाना टेकपाना

असार ३०, २०७८

चैतभित्र सीडीएमए बन्द गर्दै टेलिकम, प्रयोगकर्तालाई फोरजी फिचर फोन दिने योजना

काठमाडौं । सरकारी स्वामित्वको दूरसञ्चार कम्पनी नेपाल टेलिकमले उपलब्ध गराउँदै आएको सीडीएमए सेवा यसै वर्षभित्र बन्द हुने भएको छ । कम्पनीले प्रविधि पुरानो हुँदै गएको भन्दै जीएसएम फोरजी सेवाबाट यसलाई बन्द गर्ने भएको हो ।

कम्पनीले गत वर्षकै वार्षिक कार्यक्रममार्फत सीडीएमए सेवा बन्द गर्ने घोषणा गरेको थियो । त्यसपछि जीएसएम सेवा उपलब्ध रहेका क्षेत्रका प्रयोगकर्ताहरू आफैं धमाधम थ्रीजी तथा फोरजी सेवामा स्थानान्तरण हुन थालेको कम्पनीले जनाएको छ ।

कोरोना भाइरसको महामारीका कारण अगाडि बढ्न नसकेको सीडीएमए सेवा विस्थापनको कामलाई कम्पनीले यस वर्ष सम्पन्न गर्ने गरी आफ्नो वार्षिक कार्यक्रम तय गरेको छ । कोभिडले थप चुनौति सिर्जना नगरेको खण्डमा चालु आर्थिक वर्षको तेस्रो त्रैमासिक अर्थात आउँदो चैतसम्ममा सीडीएमए सेवा बन्द गर्नेछ ।

कम्पनीले करिब १६ वर्ष अघि नेपालमै पहिलो पटक सीडीएमए मोबाइल सेवा सञ्चालनमा ल्याएको थियो । यसका लागि ८५० मेगाहर्ज ब्याण्डको १० मेगाहर्ज फ्रिक्वेन्सी प्रयोग गरिरहेको कम्पनीले यो सेवा बन्द गर्ने भएपछि ४ मेगाहर्ज नियामकलाई फिर्ता गरिसकेको छ । हाल छ मेगाहर्जमा चलिरहेको यो सेवाबाट क्रमशः बाँकी फ्रिक्वेन्सी समेत फिर्ता गर्ने कम्पनीको योजना छ ।

‘सीडीएमए सेवा पूर्ण रुपमा शट डाउन भइसकेपछि यसमा प्रयोग भइरहेको सबै फ्रिक्वेन्सी नियामकलाई फिर्ता गर्छौं,’ कम्पनीको मोबाइल सेवा निर्देशनालयकी निर्देशक मिनु प्रधानले जानकारी दिइन् । कम्पनीले सीडीएमए सेवालाई फोरजी तथा भीओएलटीई सेवाबाट प्रतिस्थापन गर्ने लक्ष्य अनुरूप ग्राहकलाई त्यसतर्फ प्रोत्साहन गर्ने कार्यक्रम समेत ल्याएको छ ।

जसअनुसार सीडीएमए ग्राहकलाई भीओएलटीई सहितका फिचर फोन र वाई-फाई राउटर सहितको एलटीई इनडोर सीपीई उपलब्ध गराइनेछ । जसमा आकर्षक अफर समेत रहने कम्पनीको वार्षिक कार्यक्रमबाट थाहा हुन आएको छ । तर टेलिकमले कस्तो किसिमको अफर ल्याउँछ भन्ने विषय चाहिँ अहिलेसम्म स्पष्ट भइसकेको छैन ।

सीडीएमए प्रयोगकर्तालाई जीएसएममा स्थानान्तरण गर्न उपलब्ध गराइने उपकरण र अफर निःशुल्क भने नहुने प्रधानले जानकारी दिएकी छन् । उनका अनुसार बजारको तुलनामा आकर्षक मूल्यमा मोबाइल तथा वाईफाई राउटरहरू उपलब्ध हुने अपेक्षा गरिएको छ ।

हिमाली भेगमा कम्पनीका सीडीएमए फोन प्रयोगकर्ताको संख्या धेरै छ । त्यसैले त्यहाँका प्रयोगकर्तालाई फोनसहितको प्याकेज उपलब्ध गराउने योजना टेलिकमले बनाएको हो । यसका लागि कम्पनीले गाउँगाउँमा प्रवर्द्धन गर्ने अभियान सहित टिम समेत परिचालन गर्ने बताइएको छ ।

‘सीडीएम मोबाइल प्रयोगकर्तालाई लक्षित गरेर भोल्टे सहितको फिचर फोन र सीडीएमए ईभीडीओ प्रयोगकर्ताका लागि सीपीई राउटरको योजना अगाडि सारिएको हो,’ निर्देशक प्रधानले टेकपानासँगको कुराकानीमा भनिन् ।

सञ्चार तथा सूचना प्रविधिमन्त्रीको अध्यक्षतामा रहेको रेडियो फ्रिक्वेन्सी नीति निर्धारण समितिले नै नेपाल टेलिकमले दिँदै आएको सीडीएमए सेवा सन् २०२२ देखि बन्द गर्ने निर्णय गरेको थियो । कम्पनीले सीडीएमए मोबाइल फोन प्रतिस्थापनका लागि आगामी आर्थिक वर्ष २०७८/७९ का लागि तयार पारेको वार्षिक कार्यक्रममा १३ करोड ६८ लाख ३९ हजार बजेट छुट्याएको छ ।

त्यस्तै सीडीएमएमा आधारित ईभीडीओ ग्राहकलाई प्रतिस्थापन गर्न वाई-फाई राउटर सहितको एलटीई इनडोर सीपीई खरिदका लागि ११ करोड १५ लाख ८१ हजार रुपैयाँ बजेट छुट्याएको छ ।