ट्रेन्डिङ:
एफटीटीएच विस्तारमा आक्रामक बन्दै टेलिकम, यो वर्ष दुई लाख २६ हजार नयाँ कनेक्सनको योजना आईटी विषयमा कोटा प्रणाली हटाउन शिक्षा मन्त्रालयलाई सञ्चार मन्त्रालयको पत्र आईटी विषयमा कोटा प्रणाली हटाउन शिक्षा मन्त्रालयलाई सञ्चार मन्त्रालयको पत्र ८००० एमएएच ब्याट्री सहितको रेड्मीको ट्याबलेट सार्वजनिक, के के छन् विशेषता ? ४ वर्षभित्र ल्याण्डलाइन प्रविधि पूर्ण रूपमा बन्द गर्ने तयारी सवारी साधन हराए अनलाइनबाटै यसरी दिनुहोस् निवेदन नयाँ आईफोनमा यसरी ट्रान्सफर गर्नुहोस् पुरानो एन्ड्रोइड फोनको डेटा ८००० एमएएच ब्याट्री सहितको रेड्मीको ट्याबलेट सार्वजनिक, के के छन् विशेषता ? घरमा प्रयोग हुने वाई-फाईमा किन आवश्यक छ गेस्ट मोड ? थाहा पाइराख्नुहोस् मोबाइलको चार्जरमा हुने सङ्केत र तिनको अर्थ
close

एफटीटीएच विस्तारमा आक्रामक बन्दै टेलिकम, यो वर्ष दुई लाख २६ हजार नयाँ कनेक्सनको योजना

टेकपाना टेकपाना

साउन ५, २०७८

एफटीटीएच विस्तारमा आक्रामक बन्दै टेलिकम, यो वर्ष दुई लाख २६ हजार नयाँ कनेक्सनको योजना

काठमाडौं । सरकारी स्वामित्वकाे नेपाल दूरसञ्चार कम्पनी (नेपाल टेलिकम) पछिल्लो समय फाइबर विस्तारमा आक्रामक देखिएको छ । चालु आर्थिक वर्ष २०७८/०७९ को बजेट तथा कार्यक्रम पारित गरेको टेलिकमले यो वर्षलाई ‘एफटीटीएच विस्तार वर्ष’ को रुपमा मनाउँदै छ ।

विगत दुई वर्षदेखि फाइबर टु दी होम (एफटीटीएच) विस्तारलाई प्राथामिकतामा राख्दै आएको टेलिकमले यसलाई अझ प्रभावकारी रुपमा अघि बढाउने भएको हो । नियामक नेपाल दूरसञ्चार प्राधिकरणका अनुसार गत वैशाखसम्म टेलिकमको एफटीटीएच इन्टरनेट जडान गर्ने ग्राहकको संख्या एक लाख ११ हजार २२९ छ ।

दुई वर्षको अवधिमा फाइबर इन्टरनेटमा प्रयोगकर्ताको उल्लेख्य वृद्धि भएसँगै टेलिकमले यो वर्ष एफटीटीएच विस्तारलाई अझ आक्रामक रुपमा अघि बढाउने योजना बनाएको छ । जसमा यो वर्ष कुल ४ लाख एफटीटीएच नेटवर्क तयार गर्ने योजना कम्पनीको रहेको छ । भने, २ लाख २६ हजार नयाँ एफटीटीएचका ग्राहक थप्ने लक्ष्य राखिएकाे छ ।

कम्पनीका अनुसार थप ग्राहकमध्ये एक लाख ८० हजार टेलिकमका एडीएसएलका ग्राहकलाई माइग्रेसन गरी एफटीटीएचमा रुपान्तरण गर्ने योजना कम्पनीको रहेको छ । भने, ४५ हजार नयाँ ग्राहक थप्ने लक्ष्य राखिएकाे छ ।