ट्रेन्डिङ:
नेपाल टेलिकम बन्यो धेरै कर बुझाउने दूरसञ्चार कम्पनी ह्याकरलाई एडमिनको पहुँच दिने विण्डोज डिफेन्डरको बग १२ वर्षपछि समाधान जूमका संस्थापक एरिक, जसले ८ पटक प्रयास गर्दा पनि अमेरिकाको भिसा पाएका थिएनन् नागरिक एपमा समेत क्यूआर कोड, सेवा लिन कागजात बोक्नै नपर्ने विन्डोज ११ मा नयाँ अपडेट, पासवर्ड असुरक्षित भए चेतावनी दिने आफ्नो स्थानीय तहको मोबाइल एप डाउनलोड गर्नुभयो त ? यसकारण ढिलो चार्ज हुन्छ मोबाइल, कतै तपाईंले गल्ती त गरिरहनु भएको छैन ? टेस्ला कारको बिक्री बढ्यो, तेस्रो चौमासिकमा साढे तीन लाख कार बिक्री मोबाइलबाटै यसरी बनाउनुहोस् दशैंको शुभकामना पोस्टर कस्तो छ ग्लोबल आईएमई बैंकको नयाँ मोबाइल बैंकिङ एप ?
close

नेपाल टेलिकम बन्यो धेरै कर बुझाउने दूरसञ्चार कम्पनी

टेकपाना टेकपाना

साउन ११, २०७८

नेपाल टेलिकम बन्यो धेरै कर बुझाउने दूरसञ्चार कम्पनी

काठमाडौं । आर्थिक वर्ष २०७७/७८ मा धेरै कर तिर्ने शीर्ष तीन कम्पनीको सूचीमा दुई दूरसञ्चार कम्पनी परेका छन् । जसमा सरकारी स्वामित्वको नेपाल टेलिकम (नेपाल दूरसञ्चार कम्पनी लिमिटेड) दूरसञ्चार क्षेत्रबाट सबैभन्दा बढी कर तिर्ने कम्पनी बनेको छ ।

गत आवमा सबैभन्दा बढी कर तिर्ने कम्पनीको सूचीमा टेलिकम दोस्रो स्थानमा छ । याे सूचीको पहिलो नम्बरमा बहुराष्ट्रिय कम्पनी सूर्य नेपाल छ । गत आर्थिक वर्षमा टेलिकमले अग्रिम आयकर र भ्याट गरी कूल ९ अर्ब कर बुझाएको उल्लेख छ । जुन अघिल्लो आर्थिक वर्षको तुलनामा झण्डै एक अर्ब ३० करोड कम हो ।

टेलिकमले अघिल्लो आर्थिक वर्षमा आयकरतर्फ ८ अर्ब ७ करोड र भ्याट २ अर्ब ३३ करोड तिरेको थियो । अन्तर्राष्ट्रिय कलमा आएको गिरावटका साथै कोरोनाका कारण म्यासेन्जर, भाइबर, ह्वाट्सएपजस्ता ओभर दी टप (ओटिटी) एपको बढ्दो प्रयोगले कम्पनीको आम्दानी निरन्तर रुपमा घटिरहेको छ । जसको प्रतिफल कम्पनीले गत वर्षको तुलनामा कम कर बुझाएको कम्पनीले जनाएको छ ।

त्यस्तै सबैभन्दा बढी कर तिर्ने सूचीको तेस्रो नम्बरमा निजी क्षेत्रको दूरसञ्चार सेवाप्रदायक कम्पनी एनसेल आजियाटा रहेको छ । एनसेलले गत आर्थिक वर्षमा ८ अर्ब कर तिरेको जनाइएको छ । जुन अघिल्लो आर्थिक वर्षको तुलनामा भने निकै नै कम हो ।

एनसेलले अघिल्लो आवमा कम्पनी खरीद-बिक्री गर्दा लाग्ने पुँजीगत लाभकर पनि तिरेका कारण ३३ अर्ब ९५ करोड भन्दा बढी कर तिरेको थियो ।