नेपालमा पब्जी र फ्री फायर बन्द गर्न सांसदको माग
साउन १२, २०७८ १८:१७
काठमाडौं । पब्जी र फ्री फायर जस्ता गेमले बालबालिकालाई बिगारेको भन्दै बन्द गर्नुपर्ने माग संसदमा उठेकाे छ । आज भएको प्रतिनिधि सभाको वैठकमा बोल्दै सांसद आशाकुमारी विकले नेपालमा पब्जी र फ्री फायर बन्द गर्न माग गरेकी हुन् ।
कोरोना महामारीका कारण अनलाइन शिक्षाका लागि इन्टरनेटको प्रयोग बढेको कुरा खुशी कुरा भए पनि बालबालिकाहरू पब्जी र फ्रिफायर जस्ता खेलको लतमा फसेको उनकाे बुझाइ छ ।
‘यस्तो खेलहरूको लतले बालबालिकामा डराउने, झस्कने, जिद्दीपना जस्ता स्वभाव देख्दा सामान्य लाग्ला । तर पछि गएर मानसिक रोगीको अस्पतालको अभाव हुने संकेत देखिएको छ,’ उनले भनिन ।
यसर्थ सरकारले यस्ता अनलाइन खेलहरू तत्काल बन्द गर्नुपर्ने तर्क उनकाे थियाे ।
पछिल्लो अध्यावधिक: असोज २, २०७९ २२:३१
