फोन पेको ‘आम्मामामा’ अफर, हरेक दिन एक लाख जित्ने अवसर

phone-pay-qr-payment-techpana

काठमाडौं । फोन पे पेमेन्ट सर्भिस लिमिटेडले ‘आम्मामामा….क्यूआरमा उपहार, दिनदिनै १ लाख’ नामक अफर सञ्चालनमा ल्याएको छ । व्यवसायीलाई लक्षित गर्दै ल्याइएको यस अफरमा हरेक दिन एक जना व्यवसायीले एक लाखसम्म जित्न सक्नेछन् ।

क्यूआरमा आधारित डिजिटल कारोबारलाई बढावा दिने उद्देश्यका साथ कम्पनीले यो योजना अघि बढाएको हो । कम्पनीका अनुसार व्यवसायीले ग्राहकको भुक्तानी फोन पेमार्फत लिएर यस अफरमा सहभागी हुन सक्नेछन् । त्यसका लागि व्यवसायीले फोन पे बिजनेशमा भने सहभागी हुनु पर्नेछ ।

यदि यसअघि नै फोन पे बिजनेशमा सहभागी भइसकेको खण्डमा स्वतः यो योजनामा सहभागी हुन सकिने कम्पनीले जनाएको छ । कम्पनीका अनुसार जो व्यवसायी हालसम्म पनि फोन पे बिजनेशमा सहभागी भएका छैनन् उनीहरूले फोन पेको बिजनेश एप डाउनलोड गरी त्यहीँबाट दर्ता गराउन सक्नेछन् ।

त्यसरी दर्ता सोही एपमार्फत बैंक अकाउन्ट पनि लिंक गराउनु पर्नेछ । अथवा कम्पनीको वेबसाइटमार्फत पनि फोन पे बिजनेशमा दर्ता हुने सकिने छ । दर्ता भएसँगै व्यवसायीले आफ्ना ग्राहकबाट हुने भुक्तानी क्यूआरमार्फत लिएको खण्डमा सोझै यो अफरमा सहभागी हुने कम्पनीले जनाएको छ । 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team