२०७९, ५ जेष्ठ बिहिबार   |  
Thursday 19th May 2022

राष्ट्रपतीय निर्वाचनमा ह्वाट्सएप, ट्विटर र फेसबुक नै बन्द

zambiya-ellection-photo-via Getty Images
zambiya-ellection-photo-via Getty Images

काठमाडौं । जाम्बियामा बिहीबार भएको राष्ट्रपतीय निर्वाचनका लागि फेसबुक, ह्वाट्सएप, ट्विटरलगायतका सामाजिक सञ्जाल बन्द गरिएको छ । निर्वाचनको नतिजा भने आउने बाँकी रहेको छ । तर, निर्वाचन अघि ह्वाट्सएप, ट्विटर र फेसबुक ह्वाट्सएप, ट्विटर र फेसबुक जस्ता सामाजिक सञ्जाल बन्द गरिएको तथ्य बाहिरिएको हो ।

डिजिटल राइट अर्गनाइजेशन एक्सेस नाउँ र इन्टरनेट मनिटर नेटब्लक्सले निर्वाचनलाई लक्षित गर्दै जाम्बियामा त्यस्ता सामाजिक सञ्जाल बन्द गरिएको बताएका हुन् । उनीहरूका अनुसार त्यहाँका इन्टरनेट सेवा प्रदायक तथा टेलिकम सेवा प्रदायकमार्फत त्यस्ता एपको पहुँचमा रोक लगाइएको हो ।

सामाजिक सञ्जालमार्फत मौन अवधिमा हुन सक्ने प्रचारबाजीलाई रोक्ने यस्तो खालको निर्णय लिइएको जनाइएको छ । जाम्बियाको स्थानीय सञ्चार माध्यम लुसाका टाइम्सले त्यहाँको सूचना तथा प्रसारण सेवा मन्त्रालयको निर्देशनमा सामाजिक सञ्जाल माथि प्रतिवद्ध लगाएको बताएको छ ।

नेटब्लक्सका अनुसार बिहीबार जाम्बियामा नाटकीय शैलीमा एकै पटक ह्वाट्सएप, ट्विटर र फेसबुक जस्ता सामाजिक सञ्जालको ट्राफिक घटेको थियो । त्यसले पनि जाम्बिया निर्वाचनको समयमा सामाजिक सञ्जाल माथि प्रतिवद्ध लगाइएको प्रमाणित भएको छ । 
 

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team