काठमाडौं । अडियो सोसल मिडिया क्लबहाउसको जस्तै फिचर स्पेश सुरु गरेको ट्विटरले अब प्रयोगकर्तालाई स्पेशमा भएको कुराकानी रेकर्ड गर्ने सुविधा पनि दिने भएको छ । क्लबहाउसमा पनि अघिल्ला महिना यो फिचर सुरु भएको थियो ।
ट्विटरको स्पेशका होस्टले स्पेशमा भएको कुराकानी रेकर्ड गर्न र सेयर गर्न सक्ने सुविधा दिने भएको हो । अहिले यो सीमित प्रयोगकर्तालाई उपलब्ध भएको र भविष्यमा सबै प्रयागकर्तालाई उपलब्ध हुने कम्पनीले जनाएको छ ।
स्पेशमा होस्टले रेकर्ड अन गरेपछि त्यहाँ भएका प्रयोगकर्तालाई पनि जानकारी हुनेछ ।
गत साता मात्रै ट्विटरले स्पेशलाई सबै प्रयोगकर्तामाझ उपलब्ध गराउन सुरु गरेको थियो । यसअघि ट्विटरमा ६ सय भन्दा बढी फलोअर भएका प्रयोगकर्ताले मात्रै ट्विटरको होस्ट हुन पाउथे ।