थ्रीडी साउण्डका लागि कारमा डल्बी एटमस सिस्टम प्रयोग गर्दै मर्सिडिज बेन्ज

काठमाडौं । कारमा यात्रा गर्ने यात्रुलाई थ्रीडी साउण्ड सहितको नयाँ अनुभव प्रदान गर्ने उद्देश्यका साथ मर्सिडिज बेन्जले ‘डल्बी एटमस’ सिस्टम प्रयोगमा ल्याउने भएको छ । विश्वकै लग्जरियस कार ब्राण्डको रुपमा चिनिँदै आएको कम्पनीले सन् २०२२ देखी बजारमा उपलब्ध हुने नयाँ कारमा यो सिस्टम उपलब्ध गराउने भएको हो ।

एटमस साउण्ड सिस्टम प्रयोगमा ल्याउने मर्सिडिज बेन्ज पहिलो कार कम्पनी भने होइन् । यसको सुरुवात लुसिड एयरको इलेक्ट्रिक सेडानमा यसअघि नै प्रयोगमा ल्याइसकेको छ । जसका उत्पादन हालै बजारमा उपलब्ध हुने थालेको छ ।

तर, लुसिडले प्रयोगमा ल्याएको साउण्ड सिस्टमको तुलनमा यो निकै परिष्कृत हुने जनाइएको छ । किने भने लुसिडको सेडानमा प्रयोग भएको साउण्ड सिस्टममा २१ ओटामात्र स्पिकर रहेको छन् । मर्सिडिज बेन्जले भने ३१ ओटा स्पिकर युक्त साउण्ड सिस्टम प्रयोगमा ल्याउने जनाइएको छ । जसमा ६ ओटा थ्रीडी स्पिकर प्यासेन्जरको माथि रहने छ ।

त्यस्तै दुई ओटा फ्रन्ट सिटमा रहनेछ । जसले थ्रिडीका साथै उत्कृष्ट साउण्डको अनुभव प्रदान गर्ने जनाइएको छ । कम्पनीका अनुसार पहिलो चरणमा यो साउण्ड सिस्टमा एस–क्लासका कारमा उपलब्ध हुनेछ । भने विस्तारै अन्य मोडलमा पनि उपलब्ध हुँदै जानेछ ।

पछिल्लो अध्यावधिक: असोज २, २०७९ २२:३१

टिप्पणीहरू