काठमाडौं । नेपाली बजारमा सामसङले आफ्नो ‘एम५२ फाइभजी’ मोडलको स्मार्टफोनको मूल्य घटाएको छ । दुई र्याम भेरियन्टमा उपलब्ध यो फोनको मूल्य पाँचदेखि छ हजार रुपैयाँसम्म घटेको छ ।
कम्पनीले ६ जीबी र्याम तथा १२८ जीबी भेरियन्टको फाेनकाे मूल्य ६ हजार रुपैयाँले घटाएको छ । अब ग्राहकले ४२ हजार ९९९ रुपैयाँमा यो भेरियन्टको फोन किन्न सक्नेछन् ।
त्यस्तै कम्पनीले ८ जीबी र्याम तथा १२८ भेरियन्टको मूल्य पाँच हजार रूपैयाँले घटाएको छ । अब ग्राहकले यो भेरियन्टको फोन ४५,९९९ रुपैयाँमा किन्न सक्नेछन् ।
‘लिनेस्ट, मिनेस्ट मोन्सटर एभर’ थिम सहित बजारमा सार्वजनिक भएको यो फोन एम सिरिज अन्तर्गतको सबैभन्दा पातलो हो ।
७.४ एमएमको याै फोनमा स्न्यापड्रागन ७७८ जी प्रोसेसर रहेको छ । फाइभजी सपोर्ट गर्ने यो फोनमा १२० हर्ज सहितको सुपर एमोलेड डिस्प्ले छ । फोनमा ५००० एमएएच क्षमताको ब्याट्रि रहेको छ ।
फोनको डिस्प्ले सुरक्षााका लागि गोरिल्ला ग्लास फाइभ दिइएको छ। उत्कृष्ट साउन्डका लागि डल्बी एटमस रहेको फोनमा ६४ मेगापिक्सेलको मुख्य क्यामेरा छ ।
यसमा १२ मेगापिक्सेलको अल्ट्रा वाइड लेन्स, पाँच मेगापिक्सेलको माक्रो लेन्स र ३२ मेगापिक्सेलको फ्रन्ट क्यामेरा उपलब्ध छन् ।
यो फोन आइसी ब्लु र ब्लेजिङ्ग ब्ल्याक गरी दुई कलरमा उपलब्ध छ ।