२०७९, ८ जेष्ठ आइतबार   |  
Sunday 22nd May 2022

गुगलको नियरबाई सेयर र फास्ट पेयर फिचर विन्डोज पीसीमा आउँदै

near-by-share-android-techpana

काठमाडौं । ल्यापटप तथा कम्प्युटरका लागि गुगलको आफ्नै ‘क्रोम ओएस’ छ जुन प्रयोगकर्ताले त्यति रुचाएका छैनन् । एन्ड्रोइड प्रयोगकर्ताले पनि पीसीका लागि प्रभावकारी ओएसको रुपमा विन्डोजलाई नै लिने गरेका छन् ।

यस्तोमा गुगलको एन्ड्रोइडको बहु उपयोगी फिचर नियरबाई सेयर र फास्ट पेयरलाई विन्डोजलाई समेत उपलब्ध गराउने भएको छ । कम्पनीले यो वर्षको अन्त्यबाट एन्ड्रोइड प्रयोगकर्तालाई ब्लुटुथमार्फत विन्डोज पीसीमा कनेक्ट गरेर सहजै फाइल सेयर गर्न सक्ने बनाउने भएको हो ।

नियरबाई सेयर र फास्ट पेयर हाल एन्ड्रोइड र क्रोम ओएसमा मात्रै उपलब्ध छ । जसमार्फत ठूला फाइल पनि सहजै ट्रान्सफर गर्न सकिन्छ । यस्तोमा कम्पनीले विन्डोज ओएसमा समेत यसलाई कम्प्याटिबल बनाउन लागेको हो ।

कम्पनीले यो फिचर ठ्याक्कै कहिलेबाट लागू हुनेछ भन्ने विषयमा भने कुनै जानकारी दिएको छैन । तर, सन् २०२२ को अन्त्यसम्म भने यो फिचर उपलब्ध हुने जनाइएको छ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team