ट्रेन्डिङ:
एकजना फोटोग्राफरले यसरी बनाएका थिए चर्चित ब्याटल रोयल गेम पब्जी फेसबुकले हाम्रो के–के डेटा लिन्छ ?, कम्पनीले यसरी दिंदैछ जानकारी ९ केजीसम्म तौल बोक्ने एलन मस्कको मानवरुपी रोबोट सार्वजनिक सुरु भयो नेपाली इथिकल ह्याकरको सम्मेलन, यसरी हेर्नुहोस् लाइभ स्टिमिङ वेबसाइट डिजाइनिङ सिक्न चाहनेका लागि निःशुल्क अनलाइन तालिम हुँदै डाउनलोडमा रोक लाग्ने भएपछि गुगल विरुद्ध डेटिङ एप टिन्डरको मुद्दा  फेसबुकमा तपाईंको फ्रेन्ड रिक्वेस्ट कसले एक्सेप्ट गरेन ? यस्ताे छ थाहा पाउने सजिलाे तरिका भीएलसी मिडिया प्लेयरमार्फत प्रयोगकर्ताको जानकारी संकलन गर्दै ह्याकर गुगल म्यासेजमा आएको ओटीपी कोड अब स्वतः डिलिट हुने ह्वाट्सएपको पब्लिक म्यासेज प्राइभेट रुपमा पठाउन चाहनु हुन्छ ? यस्तो छ तरिका
close

फेसबुकले हाम्रो के–के डेटा लिन्छ ?, कम्पनीले यसरी दिंदैछ जानकारी

टेकपाना टेकपाना

पुस २४, २०७८

फेसबुकले हाम्रो के–के डेटा लिन्छ ?, कम्पनीले यसरी दिंदैछ जानकारी

काठमाडौं । फेसबुकले हाम्रो के–के डेटा लिन्छ ? यो हामी सबैको लागि खुल्दुलीको विषय हो । साथै, हाम्रो डेटा लिएर फेसबुकले के गछ ? कस्तो कामको लागि प्रयोग गर्छ ? 

फेसबुकले मात्रै नभई अन्य सामाजिक सञ्जाल, वेबसाइट र एपले पनि हाम्रो के–के डेटा लिन्छ भन्ने जिज्ञासा हामी सबैमा छ । 
फेसबुकको मातृ कम्पनी मेटाले भने प्रयोगकर्तालाई यसबारे विस्तृत रूपमा थाहा दिने गरी नयाँ फिचर सुरु गर्ने भएको छ । उक्त फिचरले प्रयोगकर्ताबाट फेसबुकले के–के विवरण लिएको हुन्छ भन्ने विषयमा जानकारी दिनेछ । 

प्राइभेसी सेन्टर नामक यो फिचर अहिले डेस्कटपमा फेसबुक प्रयोग गर्ने सीमित प्रयोगकर्ताले उपयोग गर्न सक्छन् । तर, यो फिचर चाँडै नै सबै प्रयोगकर्तालाई उपलब्ध गराउने फेसबुकले आफ्नो ब्लगमार्फत जानकारी दिएको छ । प्राइभेसी सेन्टरमा प्रयोगकर्ताले आफ्नो कुन–कुन विवरण फेसबुकले लिएको छ र उक्त विवरण के प्रयोजनको लागि उपयोग भइरहेको छ भन्ने विवरण थाहा पाउन सक्नेछन् । 

साथै, आफूलाई दिन मन नलागेको विवरण प्रयोग नगर्न निर्देशन समेत दिन सक्नेछन् । 

प्रयोगकर्तालाई आफ्नो डेटा र गोपनीयताको विषयमा शिक्षित गराउन यस्तो कदम चालिएको फेसबुकले जनाएको छ । 

फेसबुक सहित सामाजिक सञ्जाल र ठुला प्रविधि कम्पनीले प्रयोगकर्ताको कुन–कुन विवरण लिन्छन् र के कामको लागि प्रयोग गर्छन् भन्ने विषय सधैँ विवादित रहँदै आएको छ ।