सिटिजन्स बैंकमा एटीएम कार्ड प्रयोग नगरी पैसा निकाल्ने सुविधा
पुस २५, २०७८ ९:४३
काठमाडौं । सिटिजन्स बैंकले कार्डलेस भुक्तानी सेवाको सुरुवात गरेको छ । हालसम्म ग्राहकले आफ्नो डेबिट कार्डको प्रयोग गरी एटीएम मसिनबाट रकम झिक्दै आएकोमा अब सिटिजन्स बैंकको कार्डलेस भुक्तानी सेवा सञ्चालनमा आएको हो ।
यसअन्तर्गत ग्राहकले कार्डको प्रयोग बिना नै एटीएम मसिनबाट रकम झिक्न सक्नेछन् ।
ग्राहकले मोबाइल बैंकिङ्ग प्रयोग गरी कार्डलेस ‘विदड्र’ अप्सनमा गई आफूले भुक्तानी गर्न चाहेको रकम हाली सब्मिट गर्नुपर्नेछ । त्यसपछि ग्राहकको सम्बन्धित मोबाइल नम्बरमा ओटीपी कोड एसएमएसमार्फत आउनेछ ।
बैंकको एटीएममा गई कार्डलेस ‘विदड्र’ अप्सनमा रोजी एसएमएसमा आएको कोड प्रयोग गरी सजिलै कार्ड बिना नै रकम झिक्न सकिने छ ।
यस प्रक्रियामा आएको कोड भने गोप्य र सुरक्षित राख्न अति आवश्यक रहेको बैंकले जनाएको छ ।
पछिल्लो अध्यावधिक: असोज २, २०७९ २२:३५
