ट्रेन्डिङ:
प्राधिकरणसँग कर्मचारी बढुवा प्रक्रियाको जानकारी माग्ने अदालतको आदेश ईभी चार्जिङ व्यवसायमा एलजीको प्रवेश, खरिद गर्‍यो नयाँ कम्पनी ‘नबिल आईकार्ड’ मार्फत विदेशमा ५०० डलरसम्मको भुक्तानी गर्न सकिने ओप्पोले ल्यायो सस्तो फाइभजी स्मार्टफोन भैरव टेक्नोलोजीः दक्षिण एसियाकै उत्कृष्टमा पर्ने नेपाली साइबर सुरक्षा कम्पनी भिडियो तथा स्क्रिनको फोरकेलाई यसरी बुझ्नुहोस् स्मार्टफोन ब्याट्रीका ६ झुट, जुन तपाईंले पत्याइरहनु भएको छ यौन दुर्व्यवहार रोक्न गुगलका सीईओलाई ५ सय कर्मचारीको खुला पत्र यस्तो छ गुगल प्ले स्टोरबाट ई-सेवा एप हट्नुको कारण गुगल फोटोजका आकर्षक फिचरहरु
close

प्राधिकरणसँग कर्मचारी बढुवा प्रक्रियाको जानकारी माग्ने अदालतको आदेश

टेकपाना टेकपाना

पुस २७, २०७८

प्राधिकरणसँग कर्मचारी बढुवा प्रक्रियाको जानकारी माग्ने अदालतको आदेश

काठमाडौं । कर्मचारी बढुवा प्रक्रियामा परेको मुद्दामा उच्च अदालत पाटनले नेपाल दूरसञ्चार प्राधिकरणसँग जानकारी माग गरेको छ । सोमबार भएको छलफलमा उच्च अदालत पाटनले प्राधिकरणबाट मिसिल झिकाउने आदेश जारी गरेको हो ।

अदालतको आदेशको पूर्ण पाठ भने उपलब्ध भएको छैन । तर, प्राधिकरणलाई पदपूर्तिको विषमा सम्बन्धित कागजात माग्ने निर्णय भएको जानकारी प्राप्त भएको प्राधिकरण स्रोतले जनाएको छ ।

यसअघि प्राधिकरणले कार्यक्षमता मूल्यांकनमार्फत वरिष्ठ निर्देशक र अनुगमनतर्फ निर्देशक पदको पदपूर्तिको तयारी गरेको थियो । उक्त विषयमा गत मंसिर २८ गते प्राधिकरणका उपनिर्देशक विनोदचन्द्र श्रेष्ठलगायत ७ कर्मचारीले उच्च अदालतमा रिट निवेदन दायर गरेका थिए ।

उक्त मुद्दाको सुनवाईमा न्यायाधीशद्वय महेश शर्मा पौडेल र बबिता उप्रेतीको संयुक्त इजलासले प्रमाण मिसिल झिकाउने आदेश जारी गरेका हुन् ।

यसअघि सोही मुद्दामा पुस १ गते उच्च अदालत पाटनका न्यायाधीश नरिश्वर भण्डारीको एकल इजलासले कारण देखाऊ आदेश जारी गरेको थियो ।

त्यस्तै पुस १३ गते बबिता उप्रेती र किरण पौडेलको संयुक्त इजलासले मुद्दाको प्रतिवादी रहेको लोकसेवालाई थप जानकारी उपलब्ध गराउन आदेश दिएको थियो ।

लोकसेवा आयोगले उपलब्ध गराएको जानकारीमात्र प्रयाप्त नभएसँगै सोमबारको सुनवाईमा थप जानकारी लिनेगरी मिसिल झिकाउने आदेश भएको छ ।