ट्रेन्डिङ:
१४ हजार स्थानमा पुग्यो वर्ल्डलिङ्कको फ्रि वाई-फाई ४ हजारको एप्पल एयरट्यागले फिर्ता दिलायो साढे ८ लाख बराबरको सामान नेपालमा लागू भयो मोबाइल डिभाइस म्यानेजमेन्ट सिस्टम, अब आईएमईआई दर्ता अनिवार्य एन्ड्रोइड फोनमा सित्तैमा यसरी प्रयोग गर्नुहोस् आईफोन १४ प्रोको डाइनामिक आइल्यान्ड फिचर चर्चित एन्टीभाइरस सफ्टवेयरमै सुरक्षा कमजोरी ! इन्टरनेसनल स्पेस स्टेसनबाट बाहिरिँदै रुस, नासा र युरोपेली एजेन्सीसँग सहकार्य नगर्ने घोषणा फ्री भीपीएनको प्रयोग कति सुरक्षित ? टोर ब्राउजर कसरी प्रयोग गर्ने ? आईफोनमा यसरी ट्रान्सफर गर्नुहोस् एन्ड्रोइडको डेटा स्मार्टफोनको ब्याट्री ढिलो चार्ज हुन्छ ? अपनाउनहोस् यी सरल विधि
close

१४ हजार स्थानमा पुग्यो वर्ल्डलिङ्कको फ्रि वाई-फाई

टेकपाना टेकपाना

पुस २७, २०७८

१४ हजार स्थानमा पुग्यो वर्ल्डलिङ्कको फ्रि वाई-फाई

काठमाडौं । देशकै सबैभन्दा ठूलो इन्टरनेट सेवा प्रदायक कम्पनी वर्ल्डलिङ्क कम्युनिकेसन्स लिमिटेडको फ्री वाई-फाई देशभर १४ हजार भन्दा बढी स्थानमा पुगेको छ । कम्पनीले कोभिड १९ का बावजुद पब्लिक वाई-फाई विस्तारलाई निरन्तरता दिएको हो ।

वर्ल्डलिङ्कले देशभर ३० हजार स्थानमा पब्लिक  वाई-फाईको रुपमा फ्री वाई-फाई विस्तार गर्ने योजना गत वर्ष नै अगाडि सारेको थियो । त्यसमध्ये हालसम्म कम्पनीले १४ हजार स्थानमा फ्री वाई-फाई जडान सम्पन्न गरिसकेको वर्ल्डलिङ्कका सीईओ केशव नेपालले जानकारी दिए ।

जसमा क्याफे, रेस्टुरेन्ट, होटेल, अस्पताल, प्रहरी चौकी लगायतका सार्वजनिक स्थान रहेका छन् । बाँकी स्थानमा अबको डेढ वर्षभित्र फ्री  वाई-फाई राख्ने योजना सम्पन्न गरिने बताइएको छ ।

देशभर उपलब्ध वर्ल्डलिङ्कको पब्लिक वाई-फाईमा प्रत्येक दिन ५०० एमबी डेटा निःशुल्क रहेको छ भने आफ्नो ब्रोडब्यान्ड इन्टरनेट प्रयोग गर्ने ग्राहकलाई उसले अनलिमिटेड डेटा दिँदै आएको छ ।