ट्रेन्डिङ:
१५ हजार स्थानमा सरकारले जोड्यो निःशुल्क इन्टरनेट, कहाँ कहाँ राखिए ? नासाका यी अद्भूत आविष्कार, जुन तपाईँले दैनिक प्रयोग गरिरहनु भएको छ क्लबहाउसको फिचर कपी गर्दै ट्विटर, अब ‘स्पेश’ को कुराकानी रेकर्ड गर्न सकिने प्रेमगीत ३ को हिन्दी संस्करण अनलाइनमा लिक एपबाट पैसा कमाउनेमा टिकटक सबैभन्दा अघि तीजमा पशुपति मन्दिर परिसरको फोटो खिचे नगद जरिवाना चिप निर्माणमा चीनसँग प्रतिस्पर्धा गर्न आफ्ना कम्पनीलाई सहुलियत प्रदान गर्दै अमेरिका ह्वावेमाथि प्रतिबन्ध लगाउने वेलायतको निर्णय विदेशबाट भित्रिने ब्यान्डविथ अनुगमन गर्दै प्राधिकरण फेसबुकमा तपाईंको फ्रेन्ड रिक्वेस्ट कसले एक्सेप्ट गरेन ? यस्ताे छ थाहा पाउने सजिलाे तरिका
close

१५ हजार स्थानमा सरकारले जोड्यो निःशुल्क इन्टरनेट, कहाँ कहाँ राखिए ?

टेकपाना टेकपाना

पुस २८, २०७८

१५ हजार स्थानमा सरकारले जोड्यो निःशुल्क इन्टरनेट, कहाँ कहाँ राखिए ?

काठमाडौं । सरकारले देशभरका १५ हजार भन्दा बढी स्थानमा निःशुल्क इन्टरनेट जडान गरेको छ । नेपाल दूरसञ्चार प्राधिकरणको तथ्यांक अनुसार देशभरका १५ हजार तीन सय ९३ वटा स्थानमा निःशुल्क इन्टरनेट जडान गरिएको हो ।

प्राधिकरणले ग्रामीण दूरसञ्चार कोषको रकम परिचालन गरी निःशुल्क इन्टरनेट जडान गर्ने परियोजना अघि बढाएको थियो । यो परियोजना अन्तर्गत ६ सय ७९ वटा स्थानीय निकायको कार्यालयमा निःशुल्क इन्टरनेट जडान गरिएको प्राधिकरणले जनाएको छ । यो मंसिर महिनासम्मको तथ्यांक हो ।

योबाहेक, देशभरका ५ हजार ६ सय ६४ वटा वडा कार्यालय र ५ हजार २३ वटा माध्यमिक विद्यालयमा पनि निःशुल्क इन्टरनेट जडान भएको छ । ४ हजार २७ वटा स्वास्थ्य संस्थामा पनि इन्टरनेट जडान भएको प्राधिकरणले जनाएको छ । यो परियोजना अन्तर्गत अब ५ सय ८९ वटा स्थानमा मात्रै इन्टरनेट जडान गर्न बाँकी छ ।

ग्रामीण दूरसञ्चार कोषमा दूरसञ्चार सेवा प्रदायक कम्पनीले आफ्नो वार्षिक आम्दानीको २ प्रतिशत रकम जम्मा गर्नुपर्ने प्रावधान छ । सोही जम्मा भएको रकम प्रयोग गरी प्राधिकरणले देशैभर सरकारी र सार्वजनिक निकायमा निःशुल्क इन्टरनेट जडान गर्ने परियोजना अघि बढाएको हो ।

यसरी जडान गरिएको इन्टरनेट ति कार्यालयहरुले दुई वर्षसम्म निःशुल्क उपभोग गर्न पाउँछन् । त्यसपछि भने सम्बन्धित सेवा प्रदायकलाई शुल्क बुझाउनुपर्ने हुन्छ ।

यस्तो इन्टरनेट जडानको लागि प्राधिकरणले कोषमा रकम जम्मा गर्ने सेवा प्रदायकबीच प्रतिस्पर्धा गराएर परियोजनाको जिम्मा दिइरहेको छ ।