ट्रेन्डिङ:
दैनिक करिब ५ घण्टा मोबाइलमै बित्न थाल्यो अचेलका मानिसको समय ग्राहकलाई १ अर्ब बढी रकम फिर्ता गर्नुपर्ने प्राधिकरणको निर्णय विरुद्ध एनसेलको पुनरावेदन स्याटलाइट नेटवर्कमा कसरी काम गर्छ आईफोन १४ ? सस्तो आईफोन सार्वजनिक गर्दै एप्पल दशैंमा खेती भेन्चरबाट सामान खरिद गर्दा ५७ प्रतिशतसम्म छुट फेसबुकमा तपाईंको फ्रेन्ड रिक्वेस्ट कसले एक्सेप्ट गरेन ? यस्ताे छ थाहा पाउने सजिलाे तरिका दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका गुगल फोटोजका आकर्षक फिचरहरु दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका सरकारले फेसबुकसँग माग्यो ९२१ प्रयोगकर्ताको डेटा
close

दैनिक करिब ५ घण्टा मोबाइलमै बित्न थाल्यो अचेलका मानिसको समय

टेकपाना टेकपाना

पुस २८, २०७८

दैनिक करिब ५ घण्टा मोबाइलमै बित्न थाल्यो अचेलका मानिसको समय

काठमाडौं । एप मनिटरिङ फर्म एप एन्नीका अनुसार मानिसहरूले दैनिक औसत ४.८ घण्टा मोबाइलमा बिताउन थालेका छन् । उक्त कम्पनीको रिपोर्ट अनुसार सन् २०२१ मा सबै एप दुई खर्ब ३० अर्ब पटक डाउनलोड भए ।

जसका लागि १७० अर्ब डलर खर्च भयो । विश्वव्यापी रुपमा टिकटक सबैभन्दा धेरै डाउनलोड हुने एप बन्यो । जसमा सन् २०२० तुलनामा प्रयोगकर्ताले २०२१ मा ९० प्रतिशत बढी समय व्यतीत गर्न थालेका छन् ।

‘समय बिताउने, डाउनलोड हुने र खर्च गर्ने सबै हिसाबले मोबाइलले सबै प्रकारका भर्चुअल रेकर्डहरू ब्रेक गरेसँगै विस्तारै ठूलो स्क्रिनको अन्त्य हुँदैछ,’ एप एन्नीका प्रमुख कार्यकारी देओड क्रन्जले भनेका छन् । एप एन्नीको पूर्वानुमान अनुसार सन् २०२२ को मध्यसम्ममा टिकटकका मासिक सक्रिय प्रयोगकर्ता डेढ अर्ब माथि पुग्नेछन् ।

मोबाइल एपमा मानिसहरूले बिताउने औसत समय चार घण्टा ४८ मिनेट रहेको छ । जुन सन् २०१९ को तुलनामा ३० प्रतिशत बढी भएको एप एन्नीको स्टेट अफ मोबाइल रिपोर्टमा उल्लेख छ ।

यसका लागि कम्पनीले भारत, टर्की, अमेरिका, जापान, मेक्सिको, सिङ्गापुर र क्यानडा सहित १० ओटा बजारको हिसाब किताब गरेको थियो । ब्राजिल, इन्डोनेसिया र दक्षिण कोरियाका प्रयोगकर्ताको मोबाइलमा बिताउने औसत समय पाँच घण्टाभन्दा माथि पाइएको छ ।

रिपोर्ट अनुसार त्यसका लागि हरेक १० मिनेटमा सात मिनेट समय टिकटक सहित सामाजिक सञ्जाल, फोटो, भिडिओ एपमा बितेको थियो ।