ट्रेन्डिङ:
एटीएमबाट पैसा झिक्दा फस्नसक्छ तपाईँको नगद, नगर्नुहोस् यस्ता गल्ती फेसबुकमा तपाईंको फ्रेन्ड रिक्वेस्ट कसले एक्सेप्ट गरेन ? यस्ताे छ थाहा पाउने सजिलाे तरिका गैरकानूनी रूपमा यसरी नेपाल भित्रिँदैछ आईफोन १४ सिरिज ‘९.६ जीबीपिएस सम्मको स्पीड हुने वाइफाइ सिस्टमको तयारी गरिरहेका छौं’ एनसेलको होम एन्ड अवे डेटा अफर, ५९९ रुपैयाँमै ६० जीबी डेटा टुटल राइडरलाई एनसेलको आकर्षक डेटा र भ्वाइस प्याक ज्याक माको आन्ट ग्रुपलाई नयाँ संरचनामा आउन चीनको दबाब विभिन्न फिचरका साथ सार्वजनिक भयो गुगल क्रोमको नयाँ भर्सन आजसम्म तपाईँले कुन कुन मोबाइल एप चलाउनुभयो ? यस्तो छ थाहा पाउने सजिलो तरिका मालवेयर प्रयोग गरी लाखौं फेसबुक प्रयोगकर्ताको पासवर्ड चोरी, कतै तपाईं त पर्नुभएन ?
close

एटीएमबाट पैसा झिक्दा फस्नसक्छ तपाईँको नगद, नगर्नुहोस् यस्ता गल्ती

टेकपाना टेकपाना

पुस २९, २०७८

एटीएमबाट पैसा झिक्दा फस्नसक्छ तपाईँको नगद, नगर्नुहोस् यस्ता गल्ती

काठमाडौं । आफ्नो बैंक खातामा रहेको नगद झिक्न तपाईँ पक्कै पनि एटीएममा त जानु नै हुन्छ । आफूले नभोगेको भए नगद निकाल्दा पैसा एटीएममा फसेको घटना त सुन्नु भएकै होला ।

त्यसैले आज हामी तपाईंलाई यस्तो विषयमा बताउँदै छौँ, जुन गल्तीका कारण एटीएममा रकम फस्न सक्छ । यद्यपि यस किसिमको घटना केही सीमित व्यक्तिहरूले मात्र भोग्नुपरेको हुन्छ ।

यदि तपाईँमाथि पनि यस किसिमको घटना घटेर हैरानी खेप्नुपर्ने अवस्था नआओस् भन्ने कुरालाई मध्यनजर गर्दै  आज हामी त्यसका लागि अपनाउनु पर्ने सावधानीको विषयमा बताउँदै छौँ । 

१. ट्रान्जेक्सन अर्थात कारोबार पूरा हुन दिनुहोस्

एटीएमले ट्रान्जेक्सनका दौरान अन्य कुनै पनि बटन दबाउने गल्ती नगर्नुहोस् । टच स्क्रिनमा नछुनुहोस् ता कि मसिनमा गलत किसिमको कमान्ड अर्थात निर्देशन जाने अवस्था नआओस् ।

केही व्यक्तिहरू एटीएमलाई रकम झिक्ने कमान्ड दिइसकेपछि पनि स्क्रिनमा बटन दबाइराख्ने कार्य गर्दछन् । जसका कारण एटीएममा गलत किसिमको कमान्ड जाने गर्दछ र सुरक्षाको हिसाबले एटीएम मसिनमा रकम फस्ने अवस्था आउँछ ।

यदि तपाईंले पनि यस्तै किसिमको व्यवहार अपनाउने गर्नु भएको छ भने अबका दिनमा यस विषयमा अवश्य विचार पुर्‍याउनुहोस् । 

२. नगद झिक्दा अबेर नगर्नुहोस्

एटीएमबाट कति रकम झिक्ने भन्ने कुरा निश्चित गरिसकेपछि अगाडिको प्रक्रिया पूरा गर्नका लागि कन्फर्म वा प्रोसिड बटनमा दबाउनुपर्ने हुन्छ । त्यसपछि एटीएमबाट नगद रकम निस्किन थाल्छ ।

जब नगद बाहिर आउँछ, तुरुन्तै मसिनबाट हातमा लिनुहोस् । यदि तपाईंले त्यस समय ढिलाई गर्नु भयो भने तपाईंको रकम या त फस्ने गर्छ अथवा फेरि भित्र जाने गर्छ । 

३. दोहोर्‍याएर मसिनमा कार्ड नछिराउनुहोस्

यदि तपाईं एटीएमले ट्रान्जेक्सन अगाडि बढाइरहँदा पुनः कार्ड भित्र हाल्ने प्रयास गर्नुहुन्छ भने त्यसले समेत तपाईंको रकम फस्ने सम्भावना अत्यधिक हुन्छ । त्यसैले ट्रान्जेक्सन पूरा भएर रकम बाहिर ननिस्किएसम्म पुनः एटीएम कार्ड मसिनमा राख्ने गल्ती नगर्नुहोस् । 

अन्त्यमा यदि सावधानी अपनाउँदा अपनाउँदै एटीएममा आएको प्राविधिक गडबडीका कारण तपाईंको रकम वा कार्ड केही गरी मसिनमा अड्किन पुग्यो भने पनि नआत्तिनुहोस् ।

एटीएम मसिन वरपर रहेका बैंक कर्मचारी वा गार्डलाई जानकारी गराउनुहोस् । यदि त्यो सम्भव भएन भने आफ्नो खाता रहेको बैंक वा सम्बन्धित बैंकको ग्राहक सेवा केन्द्रमा फोन गरेर जानकारी गराउनुहोस् ।