ट्रेन्डिङ:
नेपाली बजारमा सार्वजनिक भयो सामसङ ग्यालेक्सी एस २१ एफई ५ जी, कति छ मूल्य ? डेटिङ एप बम्बलकी संस्थापक विट्नी बनिन् विश्वकै कान्छी अर्बपति सर्च इन्जिनका लागि टिकटक प्रयोग गर्दै युवा पुस्ता ९ केजीसम्म तौल बोक्ने एलन मस्कको मानवरुपी रोबोट सार्वजनिक म्युजिकका लागि टिकटकको छुट्टै एप आउँदै, एप्पल र स्पोटिफाईलाई धक्का पुग्न सक्ने ल्यापटप सिधै अफ गर्ने बानी छ ? ख्याल राख्नुस् यी कुरा नेपाल आउँदै ४५ मिनेटमै फुल चार्ज हुने रियलमी ९ प्रो प्लस फाइभजी, कति होला मूल्य ? प्लेस्टोरबाट एकाएक गायब भयो ईसेवाको मोबाइल एप कोरोना महामारीमा मोबाइल एपबाटै यसरी लिनुहोस् स्वास्थ्य सेवा टेकपाना विक्ली टेक अपडेट, १४ जेठ, २०७८
close

नेपाली बजारमा सार्वजनिक भयो सामसङ ग्यालेक्सी एस २१ एफई ५ जी, कति छ मूल्य ?

टेकपाना टेकपाना

पुस २९, २०७८

नेपाली बजारमा सार्वजनिक भयो सामसङ ग्यालेक्सी एस २१ एफई ५ जी, कति छ मूल्य ?

काठमाडौं । सामसङले २०२२ को आफ्नो पहिलो स्मार्टफोन ग्यालेक्सी एस २१ एफई फाइभजी सार्वजनिक गरेको छ  । ग्यालेक्सी एस २१ मा प्रिमियम फिचर नयनाभिराम डिजाइन, शक्तिशाली प्रोसेसिङ पावर र प्रोफेसनल लेभलको क्यामरा रहेको छ ।

ग्यालेक्सी एस २० एफईप्रति ग्राहकले दर्शाएको अभूतपूर्व विश्वासलाई ध्यान दिँदै आफूहरूले ग्यालेक्सी एस २१ एफई फाइभजी नेपाल भित्र्याएको सामसङ मोबाइल नेपालका बिजनेस प्रमुख प्रणयरत्न स्थापितले बताए ।

‘सर्वोत्तम श्रेणीको तीन ओटा, ६.४ इन्च को एफएचडी एमोलेड डिस्प्ले, १२० हर्जको रिफ्रेश रेट र शक्तिशाली प्रोसेसर युक्त ग्यालेक्सी एस २१ एफई फाइभजीले युवा ग्राहकहरूको हरेक दिन अभूतपूर्व बनाउनेछ,’ उनले भने ।

उच्च श्रेणीको क्यामरा

ग्यालेक्सी एस २१ एफई फाइभजीमा उत्कृष्ट तीन ओटा क्यामरा जडान गरिएको छ । जसमा १२ मेगापिक्सेल (अल्ट्रा वाइड), १२ मेगापिक्सेलको वाइड एङ्गल लेन्स र आठ मेगापिक्सेलको टेलिफोटो लेन्स रहेका छन् ।

यसैगरी सेल्फी र भिडिओ कलका लागि फोनमा ३२ मेगापिक्सेल क्षमताको फ्रन्ट क्यामेरा राखिएको छ । यसमा राखिएको क्यामेराले दोहोरो रेकर्डिङ, पोट्रेट मोड, नाइट मोड र ३० गुणासम्मको जुम सपोर्ट गर्छ ।

अन्य स्पेसिफिकेसन

ग्यालेक्सी एस २१ एफई फाइभजीमा ६.४ इन्चको फुल एचडी प्लस डाइनामिक एमोलेड २x डिस्प्ले रहेको छ । जसमा १२० हर्ज रिफ्रेश रेट, २४० हर्ज टच स्याम्प्लिङ रेट रहेको छ । जसले गर्दा फोन चलाउँदा सिल्की सजिलो स्क्रोलिङ अनुभव हुनुका साथै एआईमा आधारित ब्लु लाइट कन्ट्रोल समेत गर्छ ।

जसले लामो समय फोन चलाउँदा समेत आँखा बिझाउने समस्या कम गर्ने कम्पनीको दाबी छ । त्यस्तै फोनमा ५ एनएम एक्सिनस २१०० प्रोसेसर र ४५०० एमएएच ब्याट्री दिइएको छ । यो फोन वायरलेस पावर शेयर र फास्ट चार्जिङ २.० का साथ उपलब्ध भएको छ ।

यसले २५ वाटको फास्ट चार्जिङलाई सपोर्ट गर्दछ । ६८ आईपी रेटिङ प्राप्त फोन भएका कारण यसमा धुलो र पानी प्रतिरोधक क्षमता रहेको छ । समग्रमा भन्नुपर्दा ग्यालेक्सी एस २१ एफई फाइभजीमा दिनभर चल्ने ब्याट्री, फाइभजी कनेक्टिभिटी र वाई-फाई सिक्स रहेको छ ।

भेरियन्ट, मूल्य र उपलब्धता

ग्यालेक्सी एस २१ एफई फाइभजी ग्राफाइट, लाभेन्डर, र अलिभ गरी तीन ओटा रङ्गमा उपलब्ध छ । ग्राहकहरूले ग्यालेक्सी एस २१ एफई फाइभजी ८ र्‍याम तथा २५६ जीबी रोम भेरियन्टका लागि ८९ हजार ९९९ रुपैयाँ खर्च गर्नुपर्नेछ । यो फोन सामसङका सीमित ब्राण्ड स्टोर तथा रिटेल स्टोरहरूबाट खरिद गर्न सकिने कम्पनीले जनाएको छ ।