ट्रेन्डिङ:
फाइभजी सपोर्टसहित एप्पलको सस्तो आईफोन सार्वजनिक हुँदै भारतमा सस्तो मूल्यको सब्सक्रिप्सन प्लान परीक्षण गर्दै नेटफ्लिक्स लगातार खस्किँदै टेलिकमको प्रति ग्राहक आम्दानी, एफटीटीएच विस्तार पनि सुस्त नासाका यी अद्भूत आविष्कार, जुन तपाईँले दैनिक प्रयोग गरिरहनु भएको छ माइक्रोसफ्ट वर्डका लागि कसरी डाउनलोड गर्ने नेपाली फन्ट ? यी ८ एपमाथि गुगलले लगायो प्रतिबन्ध, मोबाइलबाट तुरुन्त हटाउन आग्रह एनएमबि बैंकको डलर कार्ड अनलाइनबाटै जीआईएस र रिमोट सेन्सिङ विषयमा तालिम दिँदै आविष्कार केन्द्र, यसरी हुनुहोस् सहभागी गुगल क्रोमको ‘सेभ पासवर्ड’ मा अब नोट समेत राख्न सकिने इन्टरनेटबाट जोखिममा परेका बालबालिकाका लागि चाइल्ड हेल्पलाइन एप
close

फाइभजी सपोर्टसहित एप्पलको सस्तो आईफोन सार्वजनिक हुँदै

टेकपाना टेकपाना

पुस ३०, २०७८

फाइभजी सपोर्टसहित एप्पलको सस्तो आईफोन सार्वजनिक हुँदै

काठमाडौं । एप्पलले ‘आईफोन एसई’ सेगमेन्टमा नयाँ मोडल सार्वजनिक गर्ने तयारी गरेको छ । विभिन्न स्रोतअनुसार सन् २०२२ को पहिलो एप्पल इभेन्टबाट यो आईफोन सार्वजनिक हुनेछ ।

फाइभजी इन्टरनेट सपोर्ट गर्ने यो आईफोन आउँदो मार्च वा अप्रिलमा विश्वबजारमा सार्वजनिक हुने चर्चा गरिएको छ । ब्लुम्बर्गका पत्रकार एवं लामो समयदेखि एप्पलबारे लेख्दै आएका मार्क गरम्यानले हालै आफ्नो न्युजलेटरमा नयाँ आईफोन एसई सार्वजनिक हुने तरखरमा रहेको उल्लेख गरेका छन् ।

उनले यो फोन मार्च वा अप्रिलमा हुने एप्पल इभेन्टमा सार्वजनिक हुने उल्लेख गरेका छन् । तर यो आईफोनको नाम ‘आईफोन एसई थ्री’ वा ‘आईफोन एसई आईफोन १३ सिरिज’ कुन हुनेछ भन्ने विषयमा उनले केही खुलाएका छैनन् ।

यसअघि बाहिरिएका समाचारमा एप्पलले ‘आईफोन एसई थ्री’ नाममा यो आईफोन सार्वजनिक गर्ने चर्चा गरिएको थियो ।

यदि अनलाइनमा उपलब्ध विवरणलाई आधार मान्ने हो भने यो आईफोनमा कम्पनीकै ए१५ बायोनिक एसओसीमा आधारित हुनेछ र याे ३ र ४ जीबी र्‍याम भेरियन्टमा उपलब्ध हुनेछ ।

फाइभजी कनेक्टिभिटी र कम्पनीको आफ्नै चिपसेट ए१५ मा आधारित आईफोन हुने चर्चासँगै यसले करोडौं एन्ड्रोइड प्रयोगकर्ता आफूतिर तान्ने विश्लेषण गरिएको छ ।

साथै फोनमा ४.७ इन्चको रेटिना एचडी एलसीडी डिस्प्ले हुने चर्चा छ । होम बटनमै फिंगरप्रिन्ट सेन्सरका साथ आउने फोनमा फेस लक लगायतका सुरक्षा फिचर उपलब्ध हुने अनुमान छ ।

बाहिरिएका खबरलाई विश्वास गर्ने हो भने फोनमा १२ मेगापिक्सेलको मुख्य क्यामेरा रहनेछ । यो फोनले क्वालकम स्न्यापड्रागन एक्स६० फाइभजी मोडियम चिपसमेत सपोर्ट गर्नसक्ने अनुमान गरिएको छ ।

यो चिप हाल आईफोन १३ सिरिजमा प्रयोग गरिएको छ । यस हिसाबले पनि यो फोनले मिडरेन्जमा नयाँ बजार सिर्जना गर्नसक्ने अनुमान गरिएको छ ।

विशेषगरी उच्च मूल्य र प्रविधिका कारण छुट्टै पहिचान बनाएको एप्पलको सस्तो मूल्यमा आईफोन ल्याउने तयारीसँगै एन्ड्रोइड स्मार्टफोनको व्यवसायमा धक्का पुग्ने आँकलन गरिएको छ ।

यो आईफोन ४०० डलरकाे हारहारीमा उपलब्ध हुने अनुमान छ ।