ह्याकरले चोरे साढे तीन अर्बको क्रिप्टोकरेन्सी
माघ ७, २०७८ ८:४५
काठमाडौं । क्रिप्टोकरेन्सी कारोबारको सुविधा दिने कम्पनी क्रिप्टो डट कममा जनबरी १७ मा भएको ह्याकबाट साढे तीन अर्ब बराबरको क्रिप्टोकरेन्सी चोरी भएको छ । कम्पनीले आफ्नो ब्लगमार्फत ह्याकले चार हजार आठ सय ३६ ईटीएच र चार सय ४३ वटा बिटक्वाइन लिएको जानकारी गराएको हो ।
यसबाट कम्पनीलाई ३० मिलियन डलर अर्थात् तीन अर्ब ५४ करोड रुपैयाँ बराबरको घाटा लागेको ब्लग पोस्टमा उल्लेख छ ।
कम्पनीले आफ्नो वेबसाइट ह्याक भए पनि पूर्ण जानकारी सार्वजनिक गरेको थिएन । कम्पनीले ह्याकबारे खुलस्त नपारेको भन्दै आलोचना भइरहेको थियो
कम्पनीले बिहीबार मात्रै ब्लग पोष्टमार्फत् ह्याकबारे जानकारी सार्वजनिक गरेको हो ।
ह्याकको क्रममा चारसय ८३ जना प्रयोगकर्ताको अकाउन्टमा ह्याकरले पहुँच पाएको कम्पनीले जनाएको छ । ह्याकबाट प्रभावित प्रयोगकर्तालाई कम्पनी आफैंले क्षतिपूर्ति उपलब्ध गराइसकेको ब्लग पोस्टमा उल्लेख छ ।
पछिल्लो अध्यावधिक: असोज २, २०७९ २२:३२
