मोबाइलमा कत्तिको बर्बाद हुन्छ तपाईँको समय ? यसरी तोक्नुहोस् हरेक एपको समय सीमा
माघ ७, २०७८ १८:२७
काठमाडौं । दैनिक रुपमा फोनमा तपाईँले कति समय बिताउनु हुन्छ कहिल्यै सोच्नुभएको छ ? वास्तवमा फेसबुक, इन्स्टाग्राम, टिकटक जस्ता सामाजिक सञ्जाल एप चलाउदा घन्टौँ बितेको पत्तै हुँदैन ।
तपाईँले चलाउने यस्ता एपमा तपाईँको दैनिक कति समय खर्च भइरहेको छ भन्ने बारेमा आज हामी चर्चा गर्दैछौँ । स्मार्टफोनमा सहजै आफूले दैनिक रुपमा बिताउने समय थाहा पाउन सक्नुहुन्छ ।
साथै कुनै पनि एप कति समय चलाउने भनेर सिमा निर्धारण गर्न पनि सक्नुहुन्छ।
फोनमा आफूले बिताएको समय थाहा पाउने कसरी ?
- सुरुमा मोबाइलको सेटिङमा जानुहोस् ।
- त्यसपछि ‘डिजिटल वेलबिङ’ (Digital Wellbeing) मा जानुहोस् ।
- त्यसमा तपाईँले आफूले दैनिक रुपमा फोनमा बिताएको समय देख्न सक्नुहुन्छ।
साथै एप अनुसार आफूले फोनमा खर्च गरेको समय हेर्न सकिने सुविधा समेत त्यसमा रहेको हुन्छ ।
त्यहाँ रहेको ड्याशबोर्ड (Dashboard) मा गएर बिगत एक हप्ता सम्मको आफ्नो फोनमा बिताएको समय पनि हेर्न सकिन्छ ।
एपको समय सीमा निर्धारण गर्न सम्बन्धित एपको छेउमा रहेको तलतर्फ फर्किएको एरो बटन (down arrow) मा थिचेर समय तय गर्न सक्नुहुन्छ।
पछिल्लो अध्यावधिक: असोज २, २०७९ २२:३२
