२०७९, ८ जेष्ठ आइतबार   |  
Sunday 22nd May 2022

आउँदो महिना सार्वजनिक हुँदै सामसङ ग्यालेक्सी एस२२, कस्ता होलान् फिचर ?

samsung galaxy s22

काठमाडौं । सामसङले आउँदो फेब्रुअरीमा आफ्नो बहुप्रतिक्षित फ्ल्यागशिप सिरिज सामसङ ग्यालेक्सी एस२२ सार्वजनिक गर्ने भएको छ । सामसङ ‘अनप्याक्ड २०२२ इभेन्ट’ मार्फत कम्पनीले यो सिरिज सार्वजनिक गर्ने भएको हो ।

सामसङ एमएक्सका प्रमुख टीएम रोले सामसङको आधिकारिक वेबसाइटमा ब्लग लेख्दै यसबारे जानकारी दिएका हुन् । यद्यपि फेब्रुअरीको कुन दिन यो सिरिज सार्वजनिक हुनेछ भनेर उनले खुलाएका छैनन् ।

एक विश्वसनीय लिकर आइस युनिभर्सले भने फेब्रुअरी ९ मा यो सिरिज सार्वजनिक हुने दाबी गरेको छ । रोले आफ्नो ब्लग पोस्टमा ‘एस’ सिरिजमा नयाँ क्यामेरा फोन आउने बताएका छन् ।

एस२२, एस२२ प्लस र एस२२ अल्ट्रा गरी तीन माेडलमा सिरिज सार्वजनिक हुनेछ ।

एस२२ अल्ट्रा माेडलमा चार वटा क्यामेरा सेटअप हुने बताइएकाे छ, जसमा मुख्य सेन्सर १०८ मेगापिक्सेलको हुनेछ । त्यस्तै फोनमा एस पेन र नयाँ स्न्यापड्रागन ८ जेन १ चिप जस्ता मुख्य विशेषता रहनेछन् ।

यसअघि बाहिरिएका विवरण अनुसार याे फाेनमा १ टीबी स्टोरेज भेरियन्ट समेत हुनेछ । त्यस्तै फोनको डिस्प्ले ६.२ इन्चको हुने पनि अनुमान छ । एन्ड्रोइड १२ मा चल्ने फोनमा सामसङको पछिल्लो युजर इन्टरफेस वान यूआई ४.० रहनेछ ।

त्यस्तै याे सिरिजका तीनवटै फोनमा ‘कोर्निङ गोरिल्ला ग्लास भिक्टस प्लस’ प्रयोग हुने भएको छ ।

कोर्निङले डेढ वर्षअघि गोरिल्ला ग्लास भिक्टस ल्याएको थियो । त्यसको नयाँ संस्करणको रूपमा ‘गोरिल्ला भिक्टस प्लस’ पहिलो पटक सामसङ एस२२ सिरिजमा प्रयोग हुने भएको हो ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team