काठमाडौं । नेपालको लोकप्रिय एप हाम्रो पात्रोले २५ जना विद्यार्थीलाई फेलोशिप प्रदान गरेको छ । कम्पनीले फेलोशिप प्रोग्राम २०२२ अन्तर्गत विद्यार्थी छनौट गरेको हो ।
हाम्रोपात्रोकी प्रबन्ध निर्देशक सुदिना गौतमले छनौट भएका २५ जना विद्यार्थीलाई हाम्रो पात्रोमा छ महिनाका लागि फेलोशिप प्रदान गरिएको जानकारी दिइन् । ‘फेलोशिप प्राप्त गर्ने विद्यार्थी मध्ये उत्कृष्टलाई कम्पनीमै रोजगारी समेत दिने योजनामा छौँ,’ उनले भनिन् ।
फेलोशिप प्राप्त गर्ने विद्यार्थीले हाम्रोपात्रोको कार्यालयमा दैनिक चार घण्टा काम गर्नेछन् । जसबापत उनीहरूलाई मासिक दश हजार रुपैयाँ पारिश्रमिक समेत उपलब्ध समेत गराइनेछ । हाम्रोपात्रोले पहिलो पटक सुरु गरेको फेलोशिप कार्यक्रम आगामी वर्ष समेत निरन्तरता दिने बताएको छ ।