२०७९, ५ जेष्ठ बिहिबार   |  
Thursday 19th May 2022

‘मिदी’ भन्दै सामाजिक सञ्जालमा भाइरल नक्कली म्यादी प्रहरी पक्राउ

काठमाडौं । फेसबुकमा ‘मिदी’ नामबाट भाइरल भएका किशाेरलाई प्रहरीले बुधवार पक्राउ गरेको छ ।

कपिलवस्तुका वाणगङ्गा नगरपालिका-४ बस्ने १६ वर्षीय नवराज रेग्मीले गत साता फेसबुकमा म्यादी प्रहरीको पोसाक प्रयोग गर्दै भिडिओ बनाएका थिए । जसमा उनले आफ्ना साथीहरूलाई गाँजा सेवन गर्नदेखि आफूलाई जे मन लाग्छ त्यही गर्न भनेका थिए ।

भिडिओ फेसबुक, टिकटकजस्ता सामाजिक सञ्जालमा भाइरल भएपछि निकै आलोचना भएकाे थियाे । त्यसपछि तीव्र गतिमा खोजी थालेको प्रहरीले बुधबार कपिलवस्तुबाट रेग्मीलाई पक्राउ गरेको हो ।

उनले बनाएको भिडिओमा उनी ड्युटी गरेर फर्कदै गरेको जस्तो देखिन्छन् । यद्यपि उनी वास्तविक म्यादी नभएको अनुसन्धानबाट खुलेको छ । नवराजले आफ्नो सामाजिक सञ्जालमा करिब एक मिनेटको भिडिओ अपलोड गरेका थिए । अहिले त्यही भिडिओका केही क्लिपहरू निकै नै भाइरल भएका छन् ।

जिल्ला प्रहरी कार्यालय कपिलवस्तुका प्रमुख एसपी दानबहादुर कार्कीका अनुसार ‘मिदी’ भनेर भाइरल भएका ती युवक वास्तविक म्यादी प्रहरी थिएनन् ।

उनले दाइ नाता पर्नेको बर्दी बाहिर सुकाएको अवस्थामा आफूले लगाइ भिडिओ बनाएका थिए । भिडिओमा प्रतिबन्धित गाँजा सेवनका बारेमा साथीहरूलाई आह्वन गरेको र म्यादी प्रहरीको बर्दीको दुरुपयोग गरेको भन्दै सार्वजनिक अपराधको मुद्दा चलाइएको उनले बताएका छन् ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team