२०७९, ५ जेष्ठ बिहिबार   |  
Thursday 19th May 2022

अब प्राधिकरणको बढुवा प्रक्रिया पुरानै अवस्थाबाट अघि बढ्ने, खारेज भयो रिट

काठमाडौं । नेपाल दूरसञ्चार प्राधिकरणको बढुवा प्रक्रिया विरुद्ध परेको मुद्दाका रिट खारेज भएको छ । बुधबार पुनरावेदन अदालतले रिट खारेज गरिदिएको हो । यसअघि गत फागुन १० गते पाटन उच्च अदालतमा सुनुवाइको लागि तोकिएको यो मुद्दामा अदालतले पेशी स्थगित गरिदिएको थियो ।

त्यसैमा बुधबार पुनरावेदन अदालतमा भएको सुनुवाइमा श्यामजी प्रधान र सुदर्शन राज पाण्डेको संयुक्त इजलासले मुद्दाको रिट खारेज गर्ने निर्णय सुनाएको हो । यो सँगै करिब पाँच महिना तयारी गरेको प्राधिकरणको बढुवा प्रक्रिया पुरानै अवस्थाबाट अघि बढ्ने भएको छ ।

यसअघि प्राधिकरणले कार्यक्षमता मूल्यांकनमार्फत वरिष्ठ निर्देशक र अनुगमनतर्फ निर्देशक पदको पदपूर्तिको तयारी गरेको थियो । उक्त विषयमा गत मंसिर २८ गते प्राधिकरणका उपनिर्देशक विनोदचन्द्र श्रेष्ठलगायत ७ कर्मचारीले उच्च अदालतमा रिट निवेदन दायर गरेका थिए ।
 

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team