२०७९, १७ असार शुक्रबार   |  
Friday 1st July 2022

तेलको भाउ बढेसँगै एप्पललाई उछिन्दै ‘अरामको’ बन्यो विश्वको मूल्यवान कम्पनी

काठमाडौं । टेक्नोलोजी स्टकको व्यापक बिक्री भइरहँदा एप्पलले भने संसारको सबैभन्दा मूल्यवान कम्पनीको रूपमा आफ्नो स्थान गुमाएको छ ।

साउदी अरबको तेल तथा ग्यास उत्पादक कम्पनी ‘साउदी अरामको’ ले लगभग दुई वर्षमा पहिलो पटक एप्पलबाट आफ्नो शीर्ष स्थान पुन: प्राप्त गरेको छ ।

लगानीकर्ताहरूले टेक्नोलोजी फर्महरूको शेयर बेचेर कम जोखिमपूर्ण क्षेत्रमा लगानी गर्न सुरु गरेका छन् ।  यसबीच बिटक्वाइन तथा अन्य प्रमुख क्रिप्टोकरेन्सीहरू र डिजिटल सम्पत्तिमा पनि तीव्र रूपमा गिरावट जारी छ ।

पछिल्लो समयमा घटेको एप्पलको शेयर मूल्यले तेल र ग्यास उत्पादक अरामकोलाई विश्वको सबैभन्दा मूल्यवान कम्पनीको रूपमा पुनः शीर्ष स्थानमा रहन सहयोग गरेको छ । सन् २०२० यता पहिलो पटक अरामको शीर्ष स्थानमा आएको हो ।

कच्चा तेल र प्राकृतिक ग्यासको मूल्य बढेकाले यस वर्ष ऊर्जा उत्पादकहरूको शेयर बढेको छ । यसैबीच, टेक्नोलोजी स्टकहरूमा बेचबिखनपछि यस वर्षको सुरुदेखि एप्पलको शेयर लगभग २० प्रतिशतले घटेको छ ।

कोभिड-१९ महामारीबाट उत्पन्न भएको विश्वव्यापी अर्थतन्त्रको पुनरुत्थानको लागि मूल्यवृद्धि एकमात्र ठूलो खतरा भएको छ। अमेरिकाको मूल्यवृद्धि बढ्न थालेपछि शेयरमा टेक्नोलोजी कम्पनीहरूको मूल्य घट्न सुरु भएको थियो । 

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team