काठमाडौं । अमेजनले यसै वर्षदेखि अमेरिकाको क्यालिफोर्नियामा पहिलोपटक ड्रोनबाट सामान डेलिभरी गर्ने भएको छ । क्यालिफोर्नियाका पसलमा भएको सामानको अर्डरलाई कम्पनीले ड्रोनबाट सोझै पुर्याउने तयारी गरेको हाे ।
कम्पनीले यसअघि नै यो सेवा सञ्चालनमा ल्याउने बताएको थियो । अब भने यो वर्षको अन्त्यसम्म सेवा सुरु गर्नेगरी ड्राेनबाट डेलिभरी गर्ने तयारी भइरहेकाे कम्पनीले जनाएको छ ।
कम्पनीले पहिलो चरणमा क्यालिफोर्नियाको लकफोर्डबाट यो सेवा दिनेछ भने अन्य स्थानमा समेत यसलाई विस्तार गरिने जनाएको छ ।
‘यसरी ड्रोनबाट सामान पुर्याउने प्रक्रिया कुनै काल्पनिक जस्तै लाग्नसक्छ,’ कम्पनीको ब्लगमा भनिएको छ, ‘तर, क्यालिफोर्नियाको लकफोर्डबाट बस्ने कुनै एक प्रयोगकर्ता प्राइम एयरमार्फत यो सेवा लिने पहिलो प्रयोगकर्ता हुनेछन् ।’