२०७९, २३ असार बिहिबार   |  
Thursday 7th July 2022

भारतका यी १३ सहरबाट हुँदैछ फाइभजीको व्यावसायिक सुरुवात, फोरजीभन्दा १० गुणा छिटो चल्ने

5G in india

काठमाडौं । भारत सरकारले फाइभजी फ्रिक्वेन्सी अक्सनका लागि अनुमति दिएको छ । योसँगै अबको केही समयपछि भारतमा फाइभजीको व्यावसायिक सुरुवात हुनेछ ।

हाल देशका विभिन्न स्थानमा सेवा प्रदायकहरूले फाइभजीको सफल परीक्षण गरिसकेको अवस्थामा सरकारले अक्सनको बाटो खुला गरेको हो ।

भारतीय प्रधानमन्त्रीको अध्यक्षतामा रहेको युनियन क्याबिनेटले फाइभजीको फ्रिक्वेन्सीको मूल्य तय गरेर फ्रिक्वेन्सी अक्सनका लागि स्वीकृति प्रदान गरेको जनाइएको छ ।

साथै क्याबिनेटले नै फोरजीको तुलनामा फाइभजी १० गुणा छिटो चल्ने बताएको छ । सरकारले अनुमति दिएसँगै भारतको दूरसञ्चार विभागले फ्रिक्वेन्सी अक्सनका लागि आवश्यक प्रक्रिया अघि बढाएको जनाइएको छ ।

योसँगै अबको केही हप्ताभित्र फ्रिक्वेन्सीका लागि अक्सन हुने अनुमान गरिएको छ । यस्तोमा कुन दूरसञ्चार सेवा प्रदायकले कति मूल्यमा फ्रिक्वेन्सी हात पार्नेछन् भन्ने विषय सबैका लागि चासोको विषय छ ।

सँगै पहिलो चरणमा कहाँबाट फाइभजीको सुरुवात हुनेछ भन्ने पनि सबैको चासोको विषय हो ।

विभागले भारतका १३ मुख्य सहरबाट फाइभजीको व्यावसायिक सुरुवात हुने जनाकारी दिएको छ । यसअन्तर्गत अहम्दाबाद, बैंगलोर, चण्डीगण, चेन्नई, दिल्ली, गान्धीनगर, गुरुग्राम, जामनगर, हैदरवाद, पुणे, लखनउ, मुम्बइ र कोलकात्ता रहेका छन् ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team