यस्ता छन् नेपालीले प्रयोग गर्ने झुर पासवर्ड, कतै तपाईंको त परेन ?
असार १४, २०७९ १६:९
काठमाडौं । सूचना प्रविधिको व्यापक विकास र विस्तारसँगै मानिसहरूले थुप्रै किसिमका अनलाइन अकाउन्ट खोलेका छन् । तर यस्ता अकाउन्ट सुरक्षाका दृष्टिले निकै कमजोर रहेको पाइएकाे छ ।
साइबर सुरक्षा कम्पनी भैरव टेक्नोलोजी प्रालिले नेपालमा सबैभन्दा बढी प्रयोग गरिने पासवर्ड सार्वजनिक गरेको छ ।
कम्पनीले हालै प्रकाशित गरेकाे रिपोर्टअनुसार नेपालमा सबैभन्दा बढी प्रयोग भएको पासवर्ड ‘kathmandu’ हो ।
यी विवरण लिक तथा ब्रिच भएका डेटाबाट सङ्कलन गरिएको हो । अझै पनि शब्द, संख्या, नाम आदि राखेर पासवर्ड सिर्जना गर्ने अभ्यास छ । सुरक्षाका हिसाबले यस्ता पासवर्ड प्रतिकूल हुने विज्ञहरू बताउँछन् ।
भैरव टेक्नोलोजीले ट्वीट गर्दे प्रयोगकर्तालाई युनिक तथा स्ट्रोङ पासवर्ड राख्न सुझाव दिएको छ । रिपाेर्ट अनुसार नेपालमा प्रयोग हुने सर्वाधिक पासवर्ड र सङ्ख्या यसप्रकार छन् ।
| क्र.श | पासवर्ड | संख्या |
| १. | kathmandu | २९,२८८ |
| २. | nepal123 | ९,४८० |
| ३. | pokhara | ७,१५१ |
| ४. | nepal | ६,७६५ |
| ५. | sagarmatha | ३,४८७ |
| ६. | ktm123 | २,१९६ |
| ७. | dharan | २,१५८ |
पछिल्लो अध्यावधिक: असोज २, २०७९ २२:३३
