वनप्लस स्मार्टफोनको मूल्य बढ्यो
असार २०, २०७९ १७:३४
काठमाडौं । चिनियाँ मोबाइल कम्पनी वनप्लसले नेपाली बजारमा आफ्ना दुई स्मार्टफोन माेडलको मूल्य बढाएको छ ।
आगामी आर्थिक वर्ष २०७९/८० देखि सरकारले विलासिताका वस्तुहरुमा भन्सार कर वृद्धि गरेपछि कम्पनीले स्मार्टफोनको मूल्य पनि बढाएकाे हाे ।
सरकारले हाल २.५ प्रतिशतले कर वृद्धि गरेर ५ प्रतिशत बनाएको छ ।
यसपछि कम्पनीले नाेर्ड सीई टु लाइटको मूल्य ४० हजार ९९९ रुपैयाँ पुर्याएको छ । यो स्मार्टफोनको पुरानो मूल्य ३९,९९९ थियो ।
त्यस्तै नाेर्ड सीई टुको मूल्य ४८,९९९ रुपैयाँ पुर्याइएको छ । यो फोनको पुरानो मूल्य ४७ हजार ४९९ रुपैयाँ थियो ।
पछिल्लो अध्यावधिक: असोज २, २०७९ २२:३३
