काठमाडौं । फेसबुक, इन्स्टाग्राम र फेसबुक मेसेन्जर डाउन भएको गुनासो विश्वभरका प्रयोगकर्ताले गर्न थालेका छन् । इन्टरनेट एप्लिकेसन तथा सेवाहरू अवरुद्ध भएको अनुगमन गर्ने वेबसाइट डाउन डिटेक्टरका अनुसार बेलायती दिउँसो ३ः५५ मिनेटको समयदेखि मेटा कम्पनीका एपमा समस्या देखिन थालेको हो ।
प्रयोगकर्ताहरूले एप तथा वेबसाइटबाट फेसबुकमा पहुँच पाउन नसकेको बताइरहेका छन् । साथै फेसबुक मेसेन्जरमा पहुँच पाउन समेत समस्या भइरहेको छ ।
फेसबुकको अभिभावक कम्पनी मेटाकै स्वामित्वमा रहेको इन्स्टाग्रामले समेत समस्याको सामना गरिरहेको छ । यसरी सेवा अवरुद्ध हुनुको कारण भने स्पष्ट भइसकेको छैन ।
खासगरी अमेरिकामा न्युयोर्क सहितका ठूला सहरका साथै बेलायतको लण्डन, म्यानचेस्टर र बर्मिङ्घम जस्ता स्थानहरूबाट यस्तो गुनासो आइरहेको छ ।