आउँदो मंगलबार सार्वजनिक हुँदै ‘नथिङ’ ब्राण्डको पहिलो फोन, के के होलान् फिचर ?
असार २६, २०७९ २२:३०
काठमाडौं । नथिङ ब्राण्डको पहिलो स्मार्टफोन मंगलबार सार्वजनिक हुँदैछ । हालै कम्पनीले फाेनकाे डिजाइनसहितकाे तस्वीर सार्वजनिक गरेकाे छ ।
खबर अनुसार फाेनमा ५० मेगापिक्सेलको मुख्य क्यामेरा उपलब्ध हुनेछ । आजभोलि अन्य स्मार्टफोनमा तीनदेखि चारवटा मुख्य क्यामेरा हुने गर्छन् ।
नथिङकाे यो फोनमा भने दुईवटा मात्र मुख्य क्यामेरा छ । मोबाइलमा डुअल ओआईएस र ईआईएस प्रविधि उपलब्ध गराइएको छ, जसले एक अर्ब बढी रंगहरू सहितको भिडिओ रेकर्ड गर्नसक्ने बताइएकाे छ ।
साथै यो फोनमा नाइट मोड तथा सिन डिटेक्सन फिचरहरू पनि उपलब्ध छन् ।
वनप्लसका सह-संस्थापक कार्ल पेईको कम्पनी नथिङको पहिलो स्मार्टफोनमा स्न्यापड्रागन ७७८ प्लस एसओसी प्रोसेसर प्रयोग गरिएको छ ।
साथै फोनमा १२० हर्जको रिफ्रेसरेट सहितको डिस्प्ले उपलब्ध गराइएको छ ।
पछिल्लो अध्यावधिक: असोज २, २०७९ २२:३३
